மங்களகிரி, 09 ஜூன் (ஜி.ச.)

ஆந்திரப் பிரதேச மெகா டிஎஸ்சி விளையாட்டு கோட்டா நியமனங்களில் முறைகேடுகள் நடந்ததாக ஒய்எஸ்ஆர் காங்கிரஸ் கட்சி முன்வைக்கும் குற்றச்சாட்டுகளை தெலுங்கு தேசம் கட்சி (டிடிபி) எம்எல்சிகள் கடுமையாக மறுத்துள்ளனர்.

மங்களகிரியில் உள்ள டிடிபி மத்திய அலுவலகத்தில் நடைபெற்ற செய்தியாளர் சந்திப்பில் எம்எல்சிகள் பூமிரெட்டி ராமகோபால் ரெட்டி, காஞ்சர்லா ஸ்ரீகாந்த் ஆகியோர் பேசினர்.

அப்போது, அமைச்சர் டீ.ஜி. பாரத் மற்றும் எம்எல்ஏ கூனா ரவி குமார் மீது கூறப்படும் குற்றச்சாட்டுகள் ஆதாரமற்றவை என தெரிவித்தனர்.

மொத்தம் 421 விளையாட்டு கோட்டா பணியிடங்களில் 39 பணியிடங்கள் இன்னும் காலியாக இருப்பதை சுட்டிக்காட்டிய அவர்கள், முறைகேடுகள் நடந்திருந்தால் அவ்வாறு காலியிடங்கள் எதற்காக உள்ளன என்பதை வைஎஸ்ஆர்சிபி விளக்க வேண்டும் என்று கேள்வி எழுப்பினர்.

அனைத்து சான்றிதழ்களும் முழுமையாக சரிபார்க்கப்பட்ட பிறகே நியமனங்கள் வெளிப்படையாகவும் முறையாகவும் நடைபெற்றதாக டிடிபி தலைவர்கள் தெரிவித்தனர்.

சான்றிதழ் சரிபார்ப்பு முறையைப் பற்றி ஒய் எஸ்ஆர்சிபி தலைவர்களுக்கு அடிப்படை புரிதல் கூட இல்லை எனவும் அவர்கள் விமர்சித்தனர்.

இதனிடையே, மெகா டிஎஸ்சி நியமனங்களில் முறைகேடுகள் நடந்ததாக நிரூபித்தால் தனது எம்எல்சி பதவியை ராஜினாமா செய்வதாக பூமிரெட்டி ராமகோபால் ரெட்டி சவால் விடுத்துள்ளார்.

மேலும், இந்த விவகாரம் குறித்து எங்கு வேண்டுமானாலும் விவாதிக்கத் தயார் எனவும் அவர் தெரிவித்துள்ளார்.

Hindusthan Samachar / M.DEEPAK RAJA