கோவை, 29 நவம்பர் (ஹி.ச.)

நாம் தமிழர் கட்சியின் தலைமை ஒருங்கிணைப்பாளர் சீமான் கோவை விமான நிலையத்தில் செய்தியாளர்களைச் சந்தித்தார்.

அப்போது அவர் பேசியதாவது,

நீண்ட ஆண்டுகளாக சிறையில் உள்ள இஸ்லாமிய சிறை வாசிகளை விடுதலை செய்வதற்கான அதிகாரம் மாநில அரசிற்கு உள்ளதாகவும், இதனை வலியுறுத்தி சென்னையில் விரைவில் பெரிய அளவில் போராட்டம் நடத்த உள்ளதாக அவர் தெரிவித்தார்.

தமிழகத்தில் மழை பாதிப்பு தொடர் நிலையில் இருந்தாலும், முன்னெச்சரிக்கை நடவடிக்கைகளை அரசு சரியாக மேற்கொள்ளவில்லை என்று சீமான் குற்றம் சாட்டினார்.

அதிமுக மூத்த தலைவர் செங்கோட்டையன் குறித்து அவர் கருத்து தெரிவிக்கையில்,

செங்கோட்டையன் எனக்கு மதிப்பிற்குரியவர், அவருக்கு நான் வாழ்த்துக்கள் தெரிவிக்கிறேன் என்றார்.

நாம் தமிழர் கட்சியின் கூட்டணி குறித்து பேசிய அவர், “என் கூட்டணி மக்களோடுதான்” என்று கூறினார்.

திமுக–அதிமுக கட்சிகள் மாறி மாறி ஒருவரை ஒருவர் விமர்சிக்கும் சூழ்நிலை குறித்து, “இரு கட்சிகளும் குறை சொல்லிக் கொண்டிருக்கிறது.

ஏமாந்து வாழ்வது மக்கள் மட்டுமே என அவர் விமர்சித்தார்.

பாலியல் வன்கொடுமை சம்பவங்களுக்கு கடுமையான தண்டனை அவசியம் எனும் நிலைப்பாட்டை சீமான் வலியுறுத்தினார்.

கோவை–மதுரை மெட்ரோ திட்டம் குறித்து பேசும்போது, அது அவசியமற்ற திட்டம் என்றும், “அதிபட்ச நிதி ஒரே திட்டத்தில் குவிக்கப்படுகிறது; அந்த அணுகுமுறைக்கு நான் உடன்பாடு இல்லை” என்று தெரிவித்துள்ளார். அரசு மருத்துவமனைகளில் தரமின்மை குறித்து கவலை வெளிப்படுத்தியும் அவர் பேசினார்.

விஜய் கூறிய “திமுக–தவெக இடையே தான் போட்டி” என்ற கருத்து குறித்து கேட்கப்பட்டபோது, “மோதட்டும்… பார்ப்போம்” என்று சீமான் பதிலளித்தார்

Hindusthan Samachar / Durai.J