கர்நாடக முதல்வர் சித்தராமையாவுடன் துணை முதல்வர் சிவக்குமார் சந்திப்பு
பெங்களூரு, 29 நவம்பர் (ஹி.ச.) கர்நாடகாவில் முதல்வர் பதவி குறித்து மோதல் எழுந்துள்ள நிலையில், அம்மாநில முதல்வர் சித்தராமையா, துணை முதல்வர் டி.கே. சிவகுமாரை இன்று (நவ.29) தனது இல்லத்துக்கு அழைத்து காலை உணவு விருந்து அளித்துள்ளார். இரு தலைவர்களு
மோதலுக்கு தீர்வு - கர்நாடக முதல்வர் சித்தராமையாவுடன் துணை முதல்வர் சிவக்குமார் சந்திப்பு


பெங்களூரு, 29 நவம்பர் (ஹி.ச.)

கர்நாடகாவில் முதல்வர் பதவி குறித்து மோதல் எழுந்துள்ள நிலையில், அம்மாநில முதல்வர் சித்தராமையா, துணை முதல்வர் டி.கே. சிவகுமாரை இன்று (நவ.29) தனது இல்லத்துக்கு அழைத்து காலை உணவு விருந்து அளித்துள்ளார்.

இரு தலைவர்களுக்கும் இடையேயான கருத்து வேறுபாடுகளைக் களையும் பொருட்டு, காங்கிரஸ் மேலிடம் தலையிட்டு, இருவரும் சந்தித்துப் பேச வேண்டும் என அறிவுறுத்தியதன் பின்னரே, இந்த காலை உணவுச் சந்திப்பு நடந்துள்ளதாக கூறப்படுகிறது.

இதனைத் தொடர்ந்து, டி.கே.சிவகுமார், காங்கிரஸ் தலைவர் மல்லிகார்ஜுன கார்கே, ராகுல் காந்தி உள்ளிட்டோரைச் சந்திக்க டெல்லிக்கு விரைவில் செல்ல உள்ளார்.

சித்தராமையாவும், சிவகுமாரும் காலை உணவு சாப்பிடும் புகைப்படம் சமூக வலைதளங்களில் வைரலாகிறது. இருவருக்கும் இடையிலான உறவு இணக்கமாக இருப்பதாக காட்டவே இந்த புகைப்படம் வெளியிடப்பட்டுள்ளதாக அரசியல் வட்டாரத்தில் பேசப்படுகிறது.

இந்த சந்திப்பின் போது கர்நாடக காங்கிரஸில் நீடித்து வரும் உட்கட்சி பிரச்சினைகள், முதல்வர் பதவிக்கான போட்டி தொடர்பான சர்ச்சைகள் குறித்து விவாதிக்கப்பட்டதாக தெரிகிறது.

முதல்வர், துணை முதல்வர் இடையே மோதல் போக்கு நீடித்தால், டிசம்பர் 8ம் தேதி துவங்கும் குளிர்கால சட்டசபை கூட்டத்தொடரில், அமளியில் ஈடுபட்டு போராட்டம் நடத்த எதிர்க்கட்சியினர் திட்டமிட்டு இருக்கின்றனர்.

Hindusthan Samachar / vidya.b