கோவை, 29 நவம்பர் (ஹி.ச.)

கோவை, பேரூர் பட்டீஸ்வரர் கோவிலில் யானை பாகனாக பணி செய்து வந்த ரவி என்பவர் நேற்று இரவு உணவு சாப்பிட்டுக் கொண்டு இருக்கும் போது திடீரென மயங்கி விழுந்து உள்ளார்.

அக்கம், பக்கத்தினர் அவரை மீட்டு ஆம்புலன்ஸ் மூலம் சிகிச்சைக்காக கோவை அரசு மருத்துவமனைக்கு அழைத்துச் சென்று உள்ளனர்.

அங்கு அவரை பரிசோதித்த மருத்துவர் ஏற்கனவே உயிரிழந்ததாக தெரிவித்து உள்ளனர்.

இதுகுறித்து பேரூர் காவல் துறையினர் விசாரணை செய்து வருகின்றனர்.

பேரூர் பட்டீஸ்வரர் கோவில் கல்யாணி யானையின் பாகன் உயிரிழந்த நிலையில் யானையை பார்ப்பதற்கு பராமரிப்பதற்கு ஆட்கள் இல்லை மேலும் மாற்று பாகனை நியமிக்க சிக்கல் ஏற்பட்டு வரும் நிலையில் கோயில் நிர்வாகத்தினர் என்ன முடிவு செய்வார்கள் என்று பக்தர்கள் எதிர்பார்த்து உள்ளனர்.

Hindusthan Samachar / V.srini Vasan