சென்னை, 20 பிப்ரவரி (ஹி.ச.)

டிஜிட்டல் பரிவர்த்தனையில் முன்னணியில் இருக்கும் ஃபோன்பே, வாடிக்கையாளர்களின் வசதிக்காக பயோமெட்ரிக் அங்கீகாரத்தை அறிமுகப்படுத்தியுள்ளது.

இனி கைரேகை அல்லது முகத்தை ஸ்கேன் செய்தாலே போதும், 5,000 ரூபாய் வரையிலான யுபிஐ பரிவர்த்தனைகளை செய்து முடிக்கலாம். தொல்லை தரும் யுபிஐ பின்னை தட்டச்சு செய்ய வேண்டிய அவசியமே இல்லை!

நிறுவனத்தின் தரவுகளின்படி, பயனரின் போனில் உள்ள அதிநவீன பாதுகாப்பு அம்சங்கள் மூலம் பரிவர்த்தனை உறுதி செய்யப்படும். ஒருவேளை 5,000 ரூபாய்க்கு அதிகமான பரிவர்த்தனை என்றால், வழக்கம்போல் யுபிஐ பின்னை பயன்படுத்தி அங்கீகரிக்க வேண்டும்.

ஃபோன்பே ஏற்கனவே நடைமுறையில் உள்ள விதிமுறைகளின்படி, இந்த பயோமெட்ரிக் அம்சம் போனின் பாதுகாப்பு அமைப்பின் மூலம் செயல்படும் இரண்டு-படி சரிபார்ப்பு முறை என்று பெருமையுடன் கூறுகிறது.

ஒரு வேளை வெளிச்சம் குறைவாக இருந்தாலோ அல்லது சென்சார் வேலை செய்யவில்லை என்றாலோ, பயனர்கள் வழக்கம்போல் பிஐஎன் நம்பரை பயன்படுத்தி பரிவர்த்தனை செய்யலாம்.

இந்த வசதி நண்பர்களுக்கு பணம் அனுப்புவது, க்யூஆர் கோட் மூலம் வியாபாரிகளுக்கு பணம் செலுத்துவது, ஆன்லைன் பரிவர்த்தனைகள் மற்றும் வங்கி இருப்பை சரிபார்ப்பது போன்ற பல அன்றாட பயன்பாடுகளுக்கு கிடைக்கும்.

தற்போது ஆண்ட்ராய்டு பயனர்கள் மட்டும் கைரேகை மற்றும் முக அங்கீகாரத்தை பயன்படுத்தி இந்த வசதியை பெற முடியும். ஐஓஎஸ் பயனர்களுக்காக கூடிய விரைவில் இந்த அம்சம் அறிமுகப்படுத்தப்படும் என்று நிறுவனம் உறுதியளித்துள்ளது.

இந்த புதிய அம்சம் பணம் செலுத்தும் முறையை எளிதாக்குவதுடன் பாதுகாப்பையும் உறுதி செய்யும் என்று ஃபோன்பே நிறுவனத்தின் தலைவர் தீப் அகர்வால் தெரிவித்துள்ளார்.

ஃபோன்பே-யில் ஒரு நாளுக்கான யுபிஐ பரிவர்த்தனை வரம்பு பொதுவாக ரூ.1,00,000 ஆகும். அதாவது ஒரு நாளில் நீங்கள் அதிகபட்சமாக 1 லட்சம் ரூபாய் வரை பரிவர்த்தனை செய்யலாம். இந்த வரம்பு என்பிசிஐ விதிகளின்படி நிர்ணயிக்கப்பட்டுள்ளது. அதே நேரம் சில வங்கிகள் தங்கள் வாடிக்கையாளர்களுக்கு குறைந்த வரம்பை நிர்ணயிக்கலாம். மேலும், நீங்கள் ஒரு நாளில் 10 முதல் 20 பரிவர்த்தனைகள் வரை மட்டுமே செய்ய முடியும்.

ஒவ்வொரு பயனருக்குமான சரியான வரம்பு அவர்களின் வங்கி மற்றும் கணக்கு வகையை பொறுத்து மாறுபடும். எனவே, ஃபோன்பே செயலியிலோ அல்லது வங்கி செயலியிலோ யுபிஐ வரம்புப் பிரிவை சரிபார்த்தால், உங்களுக்கு முழுமையான விவரம் கிடைக்கும்.

2016-ல் தொடங்கப்பட்ட ஃபோன்பே டிஜிட்டல் பரிவர்த்தனை, வணிக சேவைகள் மற்றும் நிதி பரிமாற்றத்தில் முன்னணியில் உள்ளது.

இந்த புதிய வசதி டிஜிட்டல் பரிவர்த்தனையை இன்னும் எளிதாக்கி வேகப்படுத்துவதுடன், சிறிய தொகைகளுக்கு பிஐஎன் இல்லாமலேயே பணம் செலுத்தும் வசதியை அறிமுகப்படுத்துகிறது.

இதன் மூலம் எதிர்காலத்தில் டிஜிட்டல் பரிவர்த்தனைகள் மேலும் பிரபலமடைய வாய்ப்புள்ளது.

பயனர் கவரும் வசதிகள் அதிகமாக இருப்பதால், டிஜிட்டல் கட்டணங்கள் இனி அனைவருக்கும் சாத்தியம்.

Hindusthan Samachar / JANAKI RAM