சேலம், 11 அக்டோபர் (ஹி.ச.)

தெலுங்கானா மாநிலம் செகந்தராபாத்தில் ரெயில் பாதையில் மேற்கொள்ளப்படும் பொறியியல் பணிகள் காரணமாக கோவை-தன்பாத் வாராந்திர சிறப்பு ரெயில் ரத்து

இது குறித்து சேலம் ரெயில்வே கோட்ட நிர்வாகம் வெளியிட்டுள்ள செய்திக்குறிப்பில் கூறப்பட்டு உள்ளதாவது,

தெலுங்கானா மாநிலம் செகந்தராபாத்தில் ரெயில் பாதையில் மேற்கொள்ளப்படும் பொறியியல் பணிகள் காரணமாக இன்று (அக் 11) மாலை 4.10 மணிக்கு ஜார்கண்ட் மாநிலம் தன்பாத்தில் இருந்து புறப்பட்டு, கோவைக்கு 13-ந் தேதி மாலை 6.30 மணிக்கு வந்தடையும் தன்பாத்- கோவை வாராந்திர சிறப்பு ரெயில் (வண்டி எண்:- 03679) ரத்து செய்யப்படுகிறது.

இதேபோல் வருகிற 14-ந் தேதி காலை 7.50 மணிக்கு கோவையில் இருந்து புறப்படும் கோவை-தன்பாத் வாராந்திர சிறப்பு ரெயில் (எண்: 03680) முழுவதுமாக ரத்து செய்யப்படுகிறது.

இவ்வாறு அதில் தெரிவிக்கப்பட்டுள்ளது.

Hindusthan Samachar / vidya.b