மதுரை, 30 அக்டோபர் (ஹி.ச.)

தென்காசியில் நேற்று

(அக் 29) பல்வேறு நிகழ்ச்சிகளில் பங்கேற்ற முதல்வர் மு.க.ஸ்டாலின், நேற்றிரவு மதுரை அரசு சுற்றுலா மாளிகையில் ஓய்வெடுக்க வந்தார்.

முத்துராமலிங்கத் தேவரின், 118-வது ஜெயந்தி மற்றும் 63-ம் ஆண்டு குருபூஜையையொட்டி இன்று (அக் 30) காலை மதுரை கோரிப்பாளையத்தில் உள்ள தேவர் சிலைக்கு முதல்-அமைச்சர் மு.க.ஸ்டாலின் மாலை அணிவித்து மரியாதை செலுத்தினார்.

அதனை தொடர்ந்து மருது பாண்டியர்களின் 224வது குருபூஜை விழாவை முன்னிட்டு, மதுரை தெப்பக்குளத்தில் உள்ள அவர்களது சிலைக்கு முதலமைச்சர் மு.க.ஸ்டாலின் மாலை அணிவித்து மரியாதை செலுத்தினார்.

தேவர் குருபூஜையையொட்டி மதுரை மாநகரில் 3,000-க்கும் மேற்பட்ட போலீசார் பாதுகாப்பு பணியில் ஈடுபட்டுள்ளனர்.

இதே போல, இன்று மதுரையிலிருந்து காரில் ராமநாதபுரம் மாவட்டம் பசும்பொன் வரும் முதல்வர் மு.க.ஸ்டாலின் தேவர் நினைவிடத்தில் மரியாதை செலுத்த உள்ளார்.

Hindusthan Samachar / vidya.b