சென்னை, 12 டிசம்பர் (ஹி.ச.)

நடிகர் ரஜினிகாந்த் இன்று

(டிச 12) தனது 75வது பிறந்தநாளை கொண்டாடுகிறார்.

இதனை முன்னிட்டு அவருக்கு அரசியல் பிரமுகர்களும், திரையுலக நட்சத்திரங்களும், ரசிகர்களும் தங்களது வாழ்த்துகளை தெரிவித்து வருகின்றனர்.

ரஜினிகாந்த் பிறந்தநாளை முன்னிட்டு அதிமுக பொதுச்செயலாளார் எடப்பாடி பழனிசாமி தனது எக்ஸ் வலைதளத்தில் விடுத்துள்ள வாழ்த்துச் செய்தியில் கூறியிருப்பதாவது:-

தமிழ்த் திரையுலகின் அசைக்க முடியாத பேராளுமையாக 50 ஆண்டுகளாக கோலோச்சி வரும் சூப்பர்ஸ்டார் திரு. ரஜினிகாந்த் அவர்களுக்கு எனது இதயங்கனிந்த பிறந்தநாள் நல்வாழ்த்துகள்.

திரையரங்குகளை திருவிழாக் கூடங்களாக மாற்றவல்ல தங்களின் ஸ்டைல் மேஜிக் ரசிகர்களை மகிழ்விக்கட்டும் பல்லாண்டு!

இவ்வாறு அவர் பதிவிட்டுள்ளார்.

Hindusthan Samachar / vidya.b