சென்னை, 18 டிசம்பர் (ஹி.ச.)

பாதுகாப்பு மற்றும் சமத்துவத்தை வலியுறுத்தி, இந்தியாவில் ஒவ்வொரு ஆண்டும் டிசம்பர் 18 அன்று சிறுபான்மையினர் உரிமைகள் தினம் கொண்டாடப்படுகிறது.

வரலாறு மற்றும் நோக்கம்:

1992-ஆம் ஆண்டு டிசம்பர் 18 அன்று ஐக்கிய நாடுகள் சபை, மதம், மொழி மற்றும் இன ரீதியான சிறுபான்மையினரின் உரிமைகளுக்கான பிரகடனத்தை வெளியிட்டது. இந்தியாவில் தேசிய சிறுபான்மையினர் ஆணையம் (NCM) இந்த தினத்தை முன்னெடுத்து நடத்துகிறது.

சிறுபான்மை சமூகத்தினரின் உரிமைகளைப் பாதுகாப்பதும், அவர்களுக்கு எதிரான பாகுபாடுகளைக் களைவதும் இத்தினத்தின் முக்கிய நோக்கமாகும்.

இந்திய அரசியலமைப்புச் சட்டம் சிறுபான்மையினருக்குப் சிறப்பு உரிமைகளை வழங்கியுள்ளது

சிறுபான்மையினர் தங்களின் தனித்துவமான மொழி, எழுத்து மற்றும் கலாச்சாரத்தைப் பாதுகாக்கும் உரிமை.

சிறுபான்மையினர் தங்களுக்கு விருப்பமான கல்வி நிறுவனங்களை நிறுவி நிர்வகிக்கும் உரிமை .

இந்தியாவில் அங்கீகரிக்கப்பட்ட சிறுபான்மையினர்:

மத்திய அரசால் முஸ்லிம்கள், சீக்கியர்கள், கிறிஸ்தவர்கள், பௌத்தர்கள், பார்சிகள் மற்றும் சமணர்கள் ஆகிய ஆறு சமூகத்தினர் சிறுபான்மையினராக அங்கீகரிக்கப்பட்டுள்ளனர்.

முக்கியத்துவம்:

சிறுபான்மையினரின் பொருளாதார, கல்வி மற்றும் சமூக வளர்ச்சியை உறுதி செய்வதன் மூலமே ஒரு நாடு உண்மையான ஜனநாயக நாடாகத் திகழ முடியும்.

அனைவருடனும், அனைவரின் வளர்ச்சிக்காக (Sabka Saath, Sabka Vikas) என்ற இலக்கை அடைய இத்தினம் உந்துசக்தியாக உள்ளது.

சிறுபான்மையினர் நலன் சார்ந்த திட்டங்கள் பற்றி அறிய தேசிய சிறுபான்மையினர் ஆணையத்தின் அதிகாரப்பூர்வ இணையதளத்தைப் பார்வையிடலாம்.

Hindusthan Samachar / JANAKI RAM