சென்னை, 30 டிசம்பர் (ஹி.ச.)

புதுடில்லியில் ஜனவரி 26ம் தேதி குடியரசு தின விழா நடைபெறுகிறது.

ஒவ்வொரு ஆண்டும் குடியரசு தின நிகழ்வின் போதும் பல்வேறு மாநிலங்களின் சார்பில் ஒவ்வொரு மையக்கருவின் அடிப்படையில் அலங்கார ஊர்திகள் இடம்பெறும்.

இந்த அணிவகுப்பில் பல்வேறு மாநிலங்களின் அலங்கார வாகனங்கள், பல்வேறு துறைகள் மற்றும் துணை ராணுவ அலங்கார வாகனங்கள் பங்குபெறும்.

இந்தாண்டு அணி வகுப்புக்கான ஏற்பாடுகள் விரைவில் தொடங்க உள்ளது. இம்முறை 10க்கும் மேற்பட்ட மாநிலங்களின் அலங்கார வாகனங்கள் இடம்பெற உள்ளன.

இந்நிலையில் 2026ம் ஆண்டு குடியரசு தினவிழாவில் தமிழக அரசின் அலங்கார வாகனம் இடம் பெற மத்திய உள்துறை அமைச்சகம் ஒப்புதல் அளித்து இருக்கிறது.

பசுமை மின்சக்தி என்ற தலைப்பில் அலங்கார வாகனம் இடம்பெறும் என்று உள்துறை தரப்பில் தெரிவிக்கப்பட்டு உள்ளது.

Hindusthan Samachar / vidya.b