புதுடெல்லி, 15 ஜனவரி (ஹி.ச.)

மத்திய பல்கலைக்கழகங்கள் மற்றும் சில குறிப்பிட்ட மாநில பல்கலைக்கழகங்கள், நிகர்நிலை பல்கலைக்கழகங்கள், தனியார் பல்கலைக்கழகங்கள், கல்வி நிறுவனங்களில் வழங்கப்படும் முதுகலைப் பட்டப்படிப்புகளுக்கு கடந்த 2022-ம் ஆண்டு முதல் முதுகலை க்யூட் தேர்வின் மூலம் சேர்க்கை நடைபெறுகிறது. தேசிய தேர்வு முகமை (NTA) இத்தேர்வு நடத்தப்படுகிறது.

2026-27 கல்வி ஆண்டிற்கான க்யூட் தேர்வு கணினி வழியில் வரும் மார்ச் மாதம் நடைபெற உள்ளது. இணையதள விண்ணப்பப் பதிவு டிசம்பர் 14ம் தேதி தொடங்கி நேற்று (ஜனவரி 14 ) நிறைவு பெற்றது. தற்போது விண்ணப்பிக்கும் கால அவகாசம் ஜனவரி 20ம் தேதி வரை நீட்டிக்கப்பட்டுள்ளது. இதையடுத்து விருப்பமுள்ள பட்டதாரிகள் https://exams.nta.ac.in/CUET-PG/ என்ற இணையதளம் வழியாக விண்ணப்பிக்க வேண்டும்.

மேலும், விண்ணப்பங்களில் திருத்தம் செய்ய ஜனவரி 23 முதல் 25ம் தேதி வரை வாய்ப்பு வழங்கப்படும். தேர்வுக்கான ஹால்டிக்கெட் வெளியீடு, கட்டணம் உட்பட கூடுதல் விவரங்களை /www.nta.ac.in/ என்ற வலைத்தளத்தில் அறிந்து கொள்ளலாம்.

விண்ணப்பிப்பதில் ஏதும் சிரமங்கள் இருப்பின் 011-40759000 என்ற தொலைபேசி எண் அல்லது helpdesk-cuetpg@nta.ac.in என்ற மின்னஞ்சல் வழியே தொடர்பு கொள்ளலாம் என்று தேசிய தேர்வு முகாமை வெளியிட்ட செய்திக்குறிப்பில் கூறப்பட்டுள்ளது.

Hindusthan Samachar / vidya.b