சென்னை, 16 ஜனவரி (ஹி.ச.)

பொங்கல் திருநாளை முன்னிட்டு சொந்த ஊர்களுக்கு படையெடுத்த பயணிகள் வசதியாக சென்னைக்கு திரும்புவதற்கு, தெற்கு ரயில்வே சிறப்பு ரயில்களை அறிவித்து வருகிறது.

அந்த வரிசையில், வருகிற 18-ம் தேதி (ஞாயிற்றுக்கிழமை) தெற்கு ரயில்வே ஒரு சிறப்பு ரயிலை அறிவித்துள்ளது.

இது நெல்லையிலிருந்து தாம்பரம் வரை ஒரே மார்க்கத்தில் இயக்கப்படும் சிறப்பு ரயில் ஆகும்.

நெல்லையிலிருந்து வருகிற 18-ம் தேதி (ஞாயிற்றுக்கிழமை) பகல் 1 மணிக்கு புறப்படும் இந்த சிறப்பு ரயில் (வண்டி எண்.06178), மதுரை, திண்டுக்கல், திருச்சி வழியாக பயணித்து மறுநாள் அதிகாலை 3 மணிக்கு தாம்பரம் வந்தடையும் என்று அறிவிக்கப்பட்டுள்ளது.

இந்த ரயில்களுக்கான முன்பதிவு நேற்று (வியாழக்கிழமை) காலை 8 மணிக்கு தொடங்கியது. ஆரம்பித்து சில நொடிகளிலேயே இந்த ரயிலுக்கான டிக்கெட்டுகள் அனைத்தும் விற்றுத் தீர்ந்துவிட்டன.

இந்நிலையில், நெல்லை-தாம்பரம் இடையே இயக்கப்படும் இந்த சிறப்பு ரயிலில் கூடுதலாக இரண்டு பெட்டிகள் இணைக்கப்படுவதாக தெற்கு ரயில்வே அறிவித்துள்ளது.

அதன்படி, இந்த ரயிலில் இரண்டு ஸ்லீப்பர் வகுப்பு பெட்டிகள் கூடுதலாக இணைக்கப்படும் என தெரிவிக்கப்பட்டுள்ளது.

பெட்டி அமைப்பு - 10 ஸ்லீப்பர் வகுப்பு பெட்டிகள், 8 பொது இரண்டாம் வகுப்பு பெட்டிகள் மற்றும் 2 இரண்டாம் வகுப்பு பெட்டிகள் உள்ளன.

Hindusthan Samachar / JANAKI RAM