ஜோகன்ஸ்பெர்க், 17 ஜனவரி (ஹி.ச.)

ஆப்பிரிக்கக் கண்டத்தில் ஜிம்பாப்வே, மொசாம்பிக், தென்னாப்பிரிக்கா முதலான தேசங்களில் பெருமழையானது ஆர்ப்பரிக்கத் தொடங்கியுள்ளது.

இதன் விளைவாக, இந்த நாடுகளில் சொல்லொணா வெள்ளக்காடாக காட்சி அளிக்கிறது. இதன் காரணமாக எண்ணிலடங்கா மக்கள் இன்னலுக்கு ஆளாகியுள்ளனர்.

இந்நிலையில், பலத்த மழையினாலும், வெள்ளத்தினாலும் ஆப்பிரிக்காவில் இருக்கின்ற இந்த மூன்று தேசங்களிலும் மொத்தம் நூறு நபர்கள் பரிதாபமாக உயிரிழந்துள்ளனர்.

அதன்படி, தென்னாப்பிரிக்காவில் 19 நபர்களும், ஜிம்பாப்வேயில் 70 நபர்களும், மொசாம்பிக்கில் 11 நபர்களும் மரணமடைந்துள்ளனர்.

இந்த பெருமழையினாலும், வெள்ளத்தினாலும் 500-க்கும் அதிகமானோர் காயம் அடைந்துள்ளனர்.

இந்த கனமழை இன்னும் தீவிரமடையும் என்று வானிலை ஆராய்ச்சி மையம் எச்சரிக்கை விடுத்துள்ளது.

அதே சமயத்தில், பெருமழையினாலும், வெள்ளத்தினாலும் பாதிக்கப்பட்டவர்களை காப்பாற்ற ராணுவப் படையினர் களம் இறங்கியுள்ளனர்.

Hindusthan Samachar / JANAKI RAM