திருவண்ணாமலை, 18 ஜனவரி (ஹி.ச.)

பஞ்சபூத ஸ்தலங்களில் அக்னி ஸ்தலமாக விளங்கும் திருவண்ணாமலை நகரில் அமைந்துள்ள அருணாசலேஸ்வரர் கோவிலுக்கு தமிழ், தெலுங்கு உள்ளிட்ட பல்வேறு மொழிகளை சேர்ந்த திரைப்பட நடிகர், நடிகைகள், இயக்குனர்கள், இசையமைப்பாளர்கள் மற்றும் அரசியல் முக்கிய தலைவர்கள் என அனைவரும் திருவண்ணாமலைக்கு வருகை தந்து அண்ணாமலையாரை தரிசனம் செய்து வருகின்றனர்.

அந்த வகையில் இன்று ஜெயம், பொன்னியின் செல்வன், அடங்க மறு, கோமாளி, பராசக்தி உள்ளிட்ட பல்வேறு தமிழ் திரைப்படங்களில் நடித்த பிரபல நடிகர் ரவி மோகன் தனது தோழி கெனிஷாவுடன் உடன் இன்று திருவண்ணாமலைக்கு வருகை தந்து அண்ணாமலை தரிசனம் செய்தார், முன்னதாக சம்பந்த விநாயகரை வணங்கிய அவர், அதனைத் தொடர்ந்து உண்ணாமலை அம்மன் உடனாகிய அண்ணாமலையாருக்கு நடைபெற்ற சிறப்பு அபிஷேகத்தில் கலந்து கொண்டு சாமி தரிசனம் செய்தார்.

பின்னர் கோவில் நிர்வாகம் சார்பில் அவருக்கு மாலை மற்றும் பிரசாதங்கள் வழங்கப்பட்டது, கோயிலுக்கு வந்திருந்த நடிகர் ரவி மோகனுடன் அவரது ரசிகர்கள் புகைப்படம் மற்றும் செல்பி எடுக்க முண்டியடித்தால் பெரும் பரபரப்பு ஏற்பட்டது.

Hindusthan Samachar / ANANDHAN