புதுடெல்லி, 18 ஜனவரி (ஹி.ச.)

புது டெல்லி செங்கோட்டை அருகாமையில் சென்ற நவம்பர் மாதம் 10ம் தேதி நிகழ்ந்த கார் வெடிகுண்டுத் தாக்குதலில் சுமார் 15 நபர்கள் உடல் சிதறி உயிரிழந்தனர்.

இந்த வெடிகுண்டு தாக்குதல் சம்பவத்தை உயர் கல்வி பயின்ற மருத்துவ நிபுணர்கள் ஒரு குழுவாக ஒன்றிணைந்து திட்டமிட்டு நிறைவேற்றியது நடைபெற்ற விசாரணையில் வெளிச்சத்திற்கு வந்தது.

ஹரியானா மாநிலத்தின் பரிதாபாத்தில் அமைந்திருக்கும் அல்பலா பல்கலைக்கழகத்தில் பணியாற்றி வந்த இரு மருத்துவர்கள் உட்பட ஒன்பது நபர்களை காவல் துறையினர் கைது செய்தனர். உயிரை மாய்த்துக்கொண்டு தாக்குதல் நடத்திய மருத்துவர் உமர் என்பவர் அல்பலா பல்கலைக்கழகத்தில் உதவி பேராசிரியராக கடமையாற்றி வந்துள்ளார்.

இதன் காரணமாக அந்த கல்விக்கழகத்தின் மீதும் பலவிதமான குற்றச்சாட்டுகள் முன்வைக்கப்பட்டன. அந்த பல்கலைக்கழகத்தின் மீது பெருமளவு நிதி கையாடல் செய்ததாகவும் வழக்கு பதிவு செய்யப்பட்டது.

அதன் அடிப்படையில் அமலாக்கத்துறை அதிகாரிகள் தீவிர சோதனை மேற்கொண்டனர். கிடைத்த ஆதாரங்களின் அடிப்படையில் அல்பலா பல்கலைக்கழக அறக்கட்டளை தலைவர் சித்திக் கைது செய்யப்பட்டார்.

இந்நிலையில், அல்பலா பல்கலைக்கழகத்திற்கு சொந்தமான சுமார் 140 கோடி ரூபாய் மதிப்புள்ள சொத்துக்களை அமலாக்கத்துறை முடக்கியுள்ளது.

பரிதாபாத்தில் இருக்கக்கூடிய அந்த பல்கலைக்கழகத்தின் 54 ஏக்கர் பரப்பளவு நிலம், கட்டிடங்கள் மற்றும் மருத்துவக் கல்லூரி உட்பட அனைத்தையும் அமலாக்கத்துறை முடக்கி உள்ளது. இவற்றினுடைய சந்தை மதிப்பு சுமார் 140 கோடி ரூபாய் ஆகும்.

சோதனை மேற்கொண்டு இரண்டு மாதங்கள் கழித்து அமலாக்கத்துறை இந்த கடுமையான நடவடிக்கையை எடுத்துள்ளது.

சித்திக் மற்றும் அவரது குடும்பத்தினரின் பொறுப்பில் இருந்த அல்பலா அறக்கட்டளை சுமார் 110 கோடி ரூபாய்க்கும் அதிகமான சட்டத்திற்குப் புறம்பான பண பரிமாற்றத்தில் ஈடுபட்டதாக அமலாக்கத்துறை பகிரங்கமாக குற்றம் சாட்டி உள்ளது.

Hindusthan Samachar / JANAKI RAM