கள்ளக்குறிச்சி, 20 ஜனவரி (ஹி.ச.)

கள்ளக்குறிச்சி மாவட்டம் மணலூர் பேட்டையில் ஆஞ்சநேயர் கோயில் அருகே ஆற்று திருவிழா நடைபெற்றது.

இந்த திருவிழாவில் சுமார் நூற்றுக்கு மேற்பட்டோர் கலந்து கொண்டனர்.

இந்நிலையில்,ராட்சத பலூனுக்கு காற்று ஏற்றும் சிலிண்டர் வெடித்ததில் பெண் உட்பட

4 பேர் உயிரழந்தனர்.

மேலும்,13 -க்கும் மேற்பட்டோர் காயமடைந்துள்ளனர்.

உயிரிழந்தவர்கள் குறித்த முழுதகவல் இன்னும் வெளியாகவில்லை.

இந்த சம்பவம் குறித்து விரைந்து வந்த மணலூர் பேட்டை போலீசார் விசாரணை நடத்தி வருகின்றனர்.

4-பேர் உயிரிழந்ததாக தகவல்கள் வெளியான நிலையில், ஒருவர் தான் என மாவட்ட ஆட்சியர் பிரசாந்த் தெரிவித்துள்ளார்.

விபத்து தொடர்பாக அவர் தெரிவித்ததாவது ,

சிலிண்டர் வெடிப்பு விபத்தில் கலா என்ற ஒருவர் உயிரிழந்துள்ளார்.

இருவர் படுகாயங்களுடன் சிகிச்சை பெற்று வருகின்றனர்.

13 பேர் காயங்களுடன் சிகிச்சை பெற்று வருகின்றனர் என தெரிவித்துள்ளார்.

Hindusthan Samachar / Durai.J