புதுடெல்லி, 4 ஜனவரி (ஹி.ச.)

நாட்டின் பெரும்பாலான பகுதிகளில் இன்று (ஜனவரி 4, ஞாயிற்றுக்கிழமை) குளிர் வானிலை தொடரும் என எதிர்பார்க்கப்படுகிறது.

பல மாநிலங்களில் குளிரலை, குளிர் மிகுந்த பகல் மற்றும் அடர்ந்த மூடுபனி நிலவும் என இந்திய வானிலை ஆய்வு மையம் எச்சரித்துள்ளது.

ஹரியானா, சண்டிகர், உத்தரப் பிரதேசம், பீகார், ஒடிசா மற்றும் பஞ்சாப் ஆகிய மாநிலங்களின் சில பகுதிகளில் குளிரலை நிலவுவதால், வானிலை ஆய்வு மையம் ஆரஞ்சு எச்சரிக்கை விடுத்துள்ளது.

மேலும், இமாச்சலப் பிரதேசம் மற்றும் உத்தரகாண்டின் சில பகுதிகளில் குளிர் மிகுந்த பகல் நேர நிலைமைகள் நிலவும் என எதிர்பார்க்கப்படுகிறது.

அஸ்ஸாம் மற்றும் மேகாலயா, பீகார், சத்தீஸ்கர், இமாச்சலப் பிரதேசம், ஜம்மு-காஷ்மீர்-லடாக்-கில்கிட்-பால்டிஸ்தான்-முசாபராபாத், ஜார்கண்ட், மத்தியப் பிரதேசம், நாகாலாந்து, மணிப்பூர், மிசோரம் மற்றும் திரிபுரா, ராஜஸ்தான், உத்தரகாண்ட், மற்றும் மேற்கு வங்கம் மற்றும் சிக்கிம் ஆகிய மாநிலங்களின் சில பகுதிகளில் அடர்ந்த மூடுபனி நிலவும் என்றும் வானிலை ஆய்வு மையம் கணித்துள்ளது.

தேசிய தலைநகரில், இன்று அதிகபட்ச வெப்பநிலை 17 டிகிரி செல்சியஸ் முதல் 19 டிகிரி செல்சியஸ் வரையிலும், குறைந்தபட்ச வெப்பநிலை 6 டிகிரி செல்சியஸ் முதல் 8 டிகிரி செல்சியஸ் வரையிலும் இருக்கும் என எதிர்பார்க்கப்படுகிறது.

குளிரலை காரணமாக இந்த பகுதிகளுக்கு இந்திய வானிலை ஆய்வு மையம் மஞ்சள் எச்சரிக்கை விடுத்துள்ளது. வானிலை ஆய்வு மையத்தின்படி, தேசிய தலைநகரில் பல இடங்களில் மிதமான மூடுபனியும், சில இடங்களில் அடர்ந்த மூடுபனியும் காணப்படும் என எதிர்பார்க்கப்படுகிறது.

குளிரலைக்கு மத்தியில், டெல்லியின் இந்தியா கேட் பகுதியில் காற்றின் தரக் குறியீடு 287 ஆக உள்ளது,

இது 'மோசம்' என்ற பிரிவில் வருவதாக மத்திய மாசுக் கட்டுப்பாட்டு வாரியம் தெரிவித்துள்ளது.

Hindusthan Samachar / JANAKI RAM