சென்னை, 05 ஜனவரி (ஹி.ச.)

இன்று (ஜனவரி 05) பிறந்த நாள் காணும் இந்திய யூனியன் முஸ்லீம் லீக் கட்சியின் தேசியத் தலைவர் காதர் மொகிதீனுக்கு தமிழக முதல்வர் ஸ்டாலின் பிறந்த நாள் வாழ்த்து தெரிவித்துள்ளார்.

முதல்வர் ஸ்டாலின் இன்று (ஜனவரி 05) எக்ஸ் தளத்தில் பதிவிட்டிருப்பதாவது,

இந்திய யூனியன் முஸ்லீம் லீக் கட்சியின் தேசியத் தலைவர் - நம் அனைவரின் மரியாதைக்குரிய 'தகைசால் தமிழர்' பேராசிரியர் காதர் மொகிதீன் ஐயா அவர்களுக்கு இனிய பிறந்தநாள் நல்வாழ்த்துகள்!

பத்திரிகையாளர், பேராசிரியர், நாடாளுமன்ற உறுப்பினர் எனப் பலநிலைகளிலும் சமூகத்துக்குப் பங்களித்து, மதநல்லிணக்கத்துக்காகத் தொடர்ந்து உழைத்து வரும் தாங்கள் நீண்டகாலம் நலத்துடன் திகழ விழைகிறேன்.

இவ்வாறு அவர் கூறியுள்ளார்.

Hindusthan Samachar / vidya.b