சென்னை, 05 ஜனவரி (ஹி.ச.)

இயக்குனர் பாரதிராஜா உடல் நலம் குறித்து தெரிந்து கொள்ள நாம் தமிழர் கட்சியின் தலைமை ஒருங்கிணைப்பாளர் சீமான், தயாரிப்பாளர் கலைப்புலி தானு, இயக்குனர்கள் ஆர் கே செல்வமணி லிங்குசாமி ஏ ஆர் முருகதாஸ் உள்ளிட்ட பலர் இன்று தனியார் மருத்துவமனை சென்று மருத்துவர்கள் மற்றும் பாரதிராஜா குடும்பத்தினரிடம் விசாரித்துள்ளனர்.

அந்த வீடியோவில் இயக்குனர் ஆர்கே செல்வமணி தெரிவித்ததாவது,

பாரதிராஜா உடல்நிலை சீராக உள்ளது. அவருக்கு நிமோனியா வைரஸ் காய்ச்சலால் பாதிக்கப்பட்டுள்ளதால் அவர் தற்போது ICU சிகிச்சையில் உள்ளார்.

அவரது உடல் உறுப்புகள் அனைத்தும் இயங்கி கொண்டு தான் உள்ளது.

அவர் குறித்து எந்த செய்தியாக இருந்தாலும், அவரது குடும்பம் அல்லது மருத்துவமனை தரப்பில் இருந்து வெளியிடப்படும்.

நேற்று அவரை நிறைய பேர் சந்திக்க வந்ததால் அவருக்கு வைரஸ் காய்ச்சல் ஏற்பட்டுள்ளது.

இவ்வாறு ஆர் கே செல்வமணி தெரிவித்துள்ளார்.

Hindusthan Samachar / P YUVARAJ