உத்திரப்பிரதேசம், 27 பிப்ரவரி (ஹி.ச.)

உத்திரப்பிரதேச அரசு, ஜெர்மனியைச் சேர்ந்த ரயில் கட்டுமான நிறுவனம் ஒன்றோடு 200 கோடி ரூபாய் முதலீட்டில் ஒப்பந்தம் செய்துள்ளது.

இதன் மூலம் மாநிலத்தில் நவீன ரயில்வே வசதிகளை உருவாக்க உள்ளனர்.

துணை முதல்வர் கேசவ் பிரசாத் மௌரியா ரயில்ஒன் ஜிஎம்பிஹெச் நிறுவனத்துடன் ஒப்பந்தம் ஒன்றைச் செய்துள்ளார்.

முதல்வர் யோகி ஆதித்யநாத் மாநிலத்தின் கட்டுமான வசதிகளை மேம்படுத்தவும், உலக நாடுகளுடன் இணைந்து செயல்படவும் விரும்புவதால் அதற்கேற்ப இந்த ஒப்பந்தம் போடப்பட்டுள்ளது.

மௌரியா தலைமையிலான குழு, ஜெர்மனியில் அதிநவீன ரயில் பாதை தொழில்நுட்பங்களையும், கான்கிரீட் ஸ்லீப்பர் தயாரிக்கும் முறைகளையும் பார்வையிட்டது.

மேலும், உற்பத்தி முறைகள் மற்றும் தரத்தைப் பற்றியும் அதிகாரிகள் குழுவுடன் கலந்துரையாடியது.

இந்த ஒப்பந்தத்தின் மூலம், உத்திரப்பிரதேசம் நவீன தொழில்நுட்பம் மற்றும் சிறந்த ரயில்வே வசதிகளைப் பெறும்.

இது மாநிலத்தில் போக்குவரத்து வசதிகளை மேம்படுத்தி தொழில் வளர்ச்சியை வேகப்படுத்தும் என்று அரசு நம்புகிறது.

உலகளாவிய முதலீடுகளையும், தொழில்நுட்ப ஒத்துழைப்பையும் உத்திரப்பிரதேசம் வரவேற்கிறது என்று மௌரியா கூறியுள்ளார்.

Hindusthan Samachar / JANAKI RAM