சென்னை, 28 பிப்ரவரி (ஹி.ச.)

தமிழகத்தில் சட்டப்பேரவைத் தேர்தல் இன்னும் விரைவில் அறிவிக்கப்பட உள்ளது.

ஆளும் கட்சியான திமுக கூட்டணியில் காங்கிரஸ், தேமுதிக, விசிக உள்ளிட்ட கட்சிகள் இடம் பெற்றுள்ளன.

இந்நிலையில், கூட்டணி கட்சிகளுக்கான தொகுதிப் பங்கீடு பேச்சுவார்த்தையை திமுக கடந்த பிப்ரவரி 22-ம் தேதி முதல் நடத்தி வருகிறது. இதுவரை முஸ்லிம் லீக், மதிமுக, மமக ஆகிய கட்சிகளுடன் முதல்கட்ட பேச்சுவார்த்தையை நடத்தியுள்ளது.

இதனை தொடர்ந்து சட்டமன்ற தேர்தலுக்கான தொகுதிப் பங்கீடு தொடர்பாக திமுக - தவாக பேச்சுவார்த்தை இன்று தொடங்கியது.

காங்கிரஸ் உடன் பேச்சுவார்த்தை நடத்திய நிலையில் தற்போது தமிழக வாழ்வுரிமைக் கட்சியுடன் திமுக பேச்சு வார்த்தை நடத்தி வருகிறது.

கடந்த சட்டமன்ற தேர்தலில் ஒரு தொகுதியில் தமிழக வாழ்வுரிமை கட்சி போட்டியிட்டது குறிப்பிடத்தக்கது.

Hindusthan Samachar / vidya.b