நாக்பூர், 01 மார்ச் (ஹி.ச.)

மகாராஷ்டிரா முதல்வர் தேவேந்திர ஃபட்னாவிஸ் இன்று நாக்பூர் மாவட்டத்தில் உள்ள ரவுல்கானில் உள்ள வெடிபொருள் தொழிற்சாலையில் ஏற்பட்ட வெடிப்பை மிகவும் துரதிர்ஷ்டவசமானது மற்றும் துயரமானது என்று குறிப்பிட்டுள்ளார்,

இது தொடர்பாக அவர் தனது எக்ஸ் தள பதிவில்,

நாக்பூர் மாவட்டத்தில் உள்ள ரவுல்கானில் உள்ள வெடிபொருள் தொழிற்சாலையில் ஏற்பட்ட வெடிப்பு சம்பவம் மிகவும் துரதிர்ஷ்டவசமானது மற்றும் துயரமானது.

உள்ளூர் நிர்வாகத்துடன் தொடர்ந்து தொடர்பில் உள்ளேன். மாவட்ட ஆட்சியர் மற்றும் காவல்துறை கண்காணிப்பாளர் சம்பவ இடத்தை உடனடியாக அடைந்துள்ளனர்.

என்டிஆர்எப் மற்றும் எஸ்டிஆர்எப் குழுக்களும் சம்பவ இடத்தில் உள்ளன. பிஇஎஸ்ஓ மற்றும் டிஷ் குழுக்கள் வந்துள்ளன. மீட்பு நடவடிக்கைகள் துரிதப்படுத்தப்பட்டுள்ளன, இதுவரை 17 பேர் உயிரிழந்துள்ளனர்.

இறந்தவர்களுக்கு மனமார்ந்த அஞ்சலி செலுத்துகிறோம். அவர்களது குடும்பத்தினரின் துயரத்தில் நாங்கள் பங்கு கொள்கிறோம்.

இந்த சம்பவத்தில், 18 பேர் காயமடைந்துள்ளனர். காயமடைந்தவர்கள் உடனடியாக நாக்பூருக்கு மாற்றப்பட்டுள்ளனர். அவர்கள் விரைவாக குணமடைய கடவுளின் பாதங்களில் பிரார்த்திக்கிறேன்.

என்று பதிவிட்டுள்ளார்.

மகாராஷ்டிராவின் நாக்பூர் மாவட்டத்தில் உள்ள எஸ்பிஎல் எனர்ஜி லிமிடெட்டில் ஏற்பட்ட வெடிவிபத்தில் குறைந்தது 15 பேர் கொல்லப்பட்டனர்.

மேலும் 18 பேர் படுகாயமடைந்தனர் என்று போலீசார் தெரிவித்தனர்.

நாக்பூர் கிராமப்புற காவல் கண்காணிப்பாளர் ஹர்ஷ் போடார், உயிரிழப்புகளை உறுதிப்படுத்தினார்.

காயமடைந்தவர்கள் அருகிலுள்ள மருத்துவமனைகளுக்கு சிகிச்சைக்காக கொண்டு செல்லப்பட்டதாகக் கூறினார்.

நாக்பூர் கிராமப்புற காவல் அதிகார வரம்பிற்குட்பட்ட எஸ்பிஎல் எனர்ஜி லிமிடெட் வளாகத்தில் இந்த வெடிப்பு நிகழ்ந்தது.

குண்டுவெடிப்புக்கான சரியான காரணம் இன்னும் கண்டறியப்படவில்லை.

மூத்த காவல்துறை அதிகாரிகள் மற்றும் பிற அதிகாரிகள் சம்பவ இடத்திற்கு வந்து மீட்புப் பணிகள் நடைபெற்று வருகின்றன.

Hindusthan Samachar / JANAKI RAM