திருப்பூர், 17 மார்ச் (ஹி.ச.)

பிலாஸ்பூரில் இருந்து திருநெல்வேலிக்கு வாரம் ஒருமுறை இயக்கப்படும் விரைவு ரெயில், சேலம், ஈரோடு, திருப்பூர் மற்றும் கேரள மாநிலம் வழியாக செல்கிறது.

இது குறித்து ரெயில்வே அதிகாரிகள் தெரிவித்துள்ளதாவது,

இந்த ரெயில் கேரளாவில் உள்ள எர்ணாகுளம்-ஆலப்புழா ரெயில் நிலையங்களுக்கு நடுவே இருக்கும் சேர்த்தலா ரெயில் நிலையத்தில், தற்காலிகமாக சோதனை முயற்சியாக நிறுத்தப்படும்.

பிலாஸ்பூர்-திருநெல்வேலி (வண்டி எண்.22619) வாராந்திர விரைவு ரெயில் இன்று பிலாஸ்பூரில் இருந்து தொடங்கி, நாளை இரவு 8.24 மணிக்கு சேர்த்தலா வந்து, 8.25 மணிக்கு அங்கிருந்து புறப்படும்.

திருநெல்வேலி-பிலாஸ்பூர் (22620) வாராந்திர விரைவு ரெயில் வருகிற 22-ஆம் தேதி திருநெல்வேலியில் இருந்து கிளம்பி, ஞாயிற்றுக்கிழமைகளில் காலை 7.14 மணிக்கு சேர்த்தலா வந்து, 7.15 மணிக்கு புறப்படும்.

Hindusthan Samachar / JANAKI RAM