புதுடெல்லி, 17 மார்ச் (ஹி.ச.)

அக்ஷய பாத்திரா அறக்கட்டளை, இந்தியா முழுவதும் பள்ளிப் கல்வியை ஆதரிக்கும் வகையில் ஐந்து பில்லியன் (500 கோடி) உணவுகளை வழங்கிய சாதனையைக் குறிக்கும் வகையில், குடியரசுத் தலைவர் மாளிகையின் கலாச்சார மையத்தில் இன்று ஒரு நினைவு நிகழ்ச்சி நடைபெற்றது.

இதில் ஜனாதிபதி திரௌபதி முர்மு கலந்து கொண்டு சிறப்புரையாற்றினார்.

நிகழ்ச்சியில் அவர் பேசியதாவது,

நன்கு ஊட்டச்சத்துடன் கூடிய கல்வி கற்ற இந்தியா' என்பதிலிருந்து 'வளர்ந்த இந்தியா'வை நோக்கிய மாற்றத்தை மையமாகக் கொண்ட இந்த நிகழ்வின் கருப்பொருள், 2047-ஆம் ஆண்டிற்குள் 'விக்ஸித் பாரத்' (வளர்ந்த இந்தியா) என்ற இலக்கை அடைவதற்கான நாட்டின் தொலைநோக்குப் பார்வையுடன் ஒத்துப்போகிறது.

குழந்தைகளுக்குப் பாதுகாப்பான மற்றும் ஒளிமயமான எதிர்காலத்தை உறுதி செய்வது என்பது அரசாங்கத்தின் பொறுப்பு மட்டுமல்ல, அது ஒரு கூட்டுப் பொறுப்பு.

ஆசிரியர்கள், பெற்றோர்கள், சமூக அமைப்புகள், பெருநிறுவனத் துறை மற்றும் சமூகத்தின் அனைத்துத் தரப்பினரும் இணைந்து செயல்படும்போது, வரும் தலைமுறைக்கான ஒரு வலிமையான அடித்தளத்தை நாம் அமைத்துத் தருகிறோம்.

குழந்தைகளின் முழுமையான வளர்ச்சிக்கு இன்றியமையாத கூறுகளான தரமான கல்வி, முறையான ஊட்டச்சத்து, சுகாதாரம் மற்றும் பாதுகாப்பான சூழல் ஆகியவற்றை அவர்களுக்கு அவசியம் வழங்க வேண்டும்.

கல்வியின் பங்கை முன்னிலைப்படும்போது, அது அதிகாரமளித்தலுக்கும் சமூக மாற்றத்திற்கும் ஒரு முக்கிய கருவியாகத் திகழ்கிறது.

பள்ளிகள் என்பவை, வாழ்க்கையின் சவால்களை எதிர்கொள்ளவும் பொறுப்புள்ள குடிமக்களாகத் திகழவும் தேவையான திறன்களையும் விழுமியங்களையும் குழந்தைகளுக்கு வழங்குகிறது.

மதிய உணவுத் திட்ட சேவைகள் மூலம் ஊட்டச்சத்துக் குறைபாட்டை நிவர்த்தி செய்வதிலும், பள்ளிகளில் மாணவர் வருகையை ஊக்குவிப்பதிலும் கடந்த 25 ஆண்டுகளாக அக்ஷய பாத்திரா அறக்கட்டளை ஆற்றிவரும் பங்களிப்பு பாராட்டுக்குரியது.

பள்ளி மதிய உணவுத் திட்டங்கள் பள்ளிகளில் மாணவர் சேர்க்கை, வருகை மற்றும் தக்கவைப்பு விகிதங்களை கணிசமாக மேம்படுத்தியுள்ளது. சிறந்த ஊட்டச்சத்தின் காரணமாக மாணவர்களின் கற்றல் விளைவுகளிலும் கல்விசார் செயல்திறனிலும் முன்னேற்றங்கள் ஏற்பட்டுள்ளதாக ஆய்வுகள் கூறுகின்றன.

2030-ஆம் ஆண்டிற்குள் அனைத்துக் குழந்தைகளுக்கும் உள்ளடக்கிய மற்றும் தரமான கல்வியை உறுதி செய்வதை இலக்காகக் கொண்ட ‘சமக்ர சிக்ஷா அபியான்’ (Samagra Shiksha Abhiyan) திட்டத்தின் நோக்கங்களுக்கு, இந்த அறக்கட்டளையின் முயற்சிகள் துணை நிற்கிறது.

குழந்தைகளை நாட்டின் எதிர்காலத்தை வடிவமைப்பவர்கள். அவர்களுக்கு இன்று சத்தான உணவை வழங்குவது என்பது இந்தியாவின் மனிதவளத்தில் செய்யப்படும் ஒரு முதலீடு என்று கூறினார்.

ஆரோக்கியமான, கல்வி அறிவு பெற்ற மற்றும் ஆற்றல் மிக்க ஒரு தலைமுறையே, 2047-ஆம் ஆண்டிற்குள் 'வளர்ச்சியடைந்த இந்தியா' என்ற இலக்கை அடைவதில் ஒரு முக்கியப் பங்காற்றும்.

என்று அவர் தெரிவித்தார்.

Hindusthan Samachar / vidya.b