ஆந்திரா, 20 மார்ச் (ஹி.ச.)

ஆந்திர மாநிலம் நந்தியால் நகரத்தின் நூனெப்பல்லே பகுதியில் உள்ள மஞ்சினீர் பாவி வீதியைச் சேர்ந்த ஹரீஃப் பாஷா (38) என்பவர், ஹமீதாபியை எட்டு ஆண்டுகளுக்கு முன்பு திருமணம் செய்துகொண்டார்.

இவர்களுக்கு இரண்டு குழந்தைகள் உள்ளனர். ஹரீஃப் பாஷா

பெயிண்டராக வேலை செய்து குடும்பத்தைப் பராமரித்து வந்தார்.

இந்தச் சூழலில் ஹமீதாபிக்கு அதே பகுதியைச் சேர்ந்த இலியாஸ் என்ற நபருடன்

பழக்கம் ஏற்பட்டு, அது படிப்படியாக வளர்ந்து இருவருக்கும் இடையே

திருமணத்திற்கு புறம்பான உறவு ஏற்பட்டது.

இது கணவருக்கு தெரிந்ததும், அவர் பல முறை ஹமீதாபியுடன் சண்டையிட்டார்.

பழக்கத்தை மாற்றிக்கொள்ள வேண்டும் என்று

எச்சரித்தார். இல்லையென்றால் கொன்று விடுவேன் என்றும் மிரட்டினார்.

இதனால் தங்களது உறவுக்கு தடையாக இருந்த கணவரைக் கொலை செய்ய மனைவி ஹமீதாபி சதி திட்டமிட்டாள். காதலன் இலியாஸும், அவனது நண்பன் வீராஞ்சனேயலுடனும் சேர்ந்து திட்டமிட்டபடி ஹரீஃப் பாஷாவை “மதுபானம் அருந்தலாம்” என்று அழைத்துச் சென்றனர்.

ஊருக்கு வெளியே ஒதுக்குப்புறமான இடத்தில் மூவரும் சேர்ந்து மது அருந்தினர்.

பின்னர் ஹரீஃப் பாஷாவை கொடூரமாகத் தாக்கி கொலை செய்தனர். அதை விபத்து காரணமாக

இறந்ததாக சித்தரிக்க முயற்சித்தனர்.

கொலைக்குப் பிறகு உடலை கர்னூல் பைபாஸ் சாலையில் உள்ள குந்து ஆறு பாலத்தின்

கீழ் இந்த மாதம் 14ஆம் தேதி போட்டனர். பின்னர் அவர்கள் இந்தத் தகவலை

ஹமீதாபிக்குத் தெரிவித்துவிட்டு அங்கிருந்து சென்றுவிட்டனர்.

அதன் பிறகு ஒன்றும் தெரியாதது போல ஹமீதாபி போலீஸ் ஸ்டேஷனுக்குச் சென்று, தன் கணவர் காணவில்லை என்று புகார் அளித்தாள்.

புகாரைப் பெற்ற போலீசார் விசாரணையைத்

தொடங்கினர். பின்னர் பாலத்தின் கீழ் உடல் இருப்பது தெரியவந்ததும், அங்கு சென்ற

போலீசார் இறந்தவர் ஹரீஃப் பாஷா என்று அடையாளம் கண்டனர்.

அதன் பிறகு ஹமீதாபிக்குத் தகவல் கொடுத்து விசாரித்தபோது, கணவர் மது அருந்துபவர் என்றும், தான் திட்டியதால் சண்டையிட்டு வெளியே சென்று தற்கொலை

செய்துகொண்டிருக்கலாம் என்றும் அவள் நம்ப வைக்க முயற்சித்தாள்.

ஆனால் இறந்தவரின் உடலில் காயங்கள் இருந்ததால், முதலில் சந்தேகத்திற்குரிய மரணம்

என்று போலீசார் வழக்குப் பதிவு செய்து விசாரணையைத் தொடங்கினர்.

இந்தப் பின்னணியில் இறந்தவரின் சகோதரி ரெஹானா போலீசாரிடம் ஹமீதாபி மீதே

சந்தேகம் உள்ளது என்று புகார் அளித்தாள். இதனால் ஆழமான விசாரணை நடத்திய போலீசார், இறந்தவரின் மனைவி ஹமீதாபிக்கு இலியாஸுடன் திருமணத்திற்கு புறம்பான

உறவு உள்ளது என்று கண்டறிந்தனர்.

அந்தத் தகாத உறவே ஹரீஃப் பாஷா கொலைக்குக்

காரணம் என்று உறுதி செய்த போலீசார், மூவரையும் கைது செய்தனர். திருமணத்திற்கு புறம்பான உறவே காரணமாக, காதலன் இலியாஸ், அவனது நண்பன் வீராஞ்சனேயலு ஆகியோருடன் சேர்ந்து மனைவி ஹமீதாபி சதி செய்து கொலை செய்ததாக போலீசார் மீடியாவுக்கு வெளிப்படுத்தினர்.

வழக்கில் முக்கிய குற்றவாளிகளான

இலியாஸ்,வீராஞ்சனேயலு, ஹமீதாபி ஆகியோரை கைது செய்து நீதிமன்றத்தில்

ஆஜர்படுத்தியதாகத் தெரிவித்தனர்.

Hindusthan Samachar / GOKILA arumugam