பாலக்காடு, 22 மார்ச் (ஹி.ச.)

கேரளா மாநிலம், பாலக்காட்டில் சட்டமன்றத் தேர்தல் பிரச்சாரத்தின் போதுகாங்கிரஸ் எம்.பி. ஷாஃபி செய்தியாளர்களை சந்தித்தார்.

அப்போது பேசிய அவர்,

மாநிலத்தில் தேவையான மாற்றத்தை யுடிஎஃப் கொண்டு வரும் என நம்பிக்கை தெரிவித்தார்.

இது கேரள மக்களின் எதிர்பார்ப்புக்கு இணையானதே. அனைவரும் நிர்வாக மாற்றத்தை எதிர்நோக்குகின்றனர்.

மக்கள் தற்போதைய ஆட்சியின் மீது அதிருப்தி அடைந்துள்ளனர். நிச்சயமாக ஒரு மாற்றம் தேவை.

அந்த மாற்றத்தை யுடிஎஃப் மூலம் ஏற்படுத்த முடியும். நாங்கள் வெற்றி பெறுவோம் என்று அவர் கூறினார்.

மேலும், அகில இந்திய காங்கிரஸ் கமிட்டியின் ஒப்புதலுடன் கேரள பிரதேச காங்கிரஸ் கமிட்டி வேட்பாளரை அறிவித்ததாகவும், பாலக்காட்டில் உள்ள அனைத்து காங்கிரஸ் தலைவர்களும் ரமேஷ் பிஷாரடியின் வேட்புமனுவை ஏற்று வரவேற்றுள்ளதாகவும் அவர் தெரிவித்தார்.

அவர் எனது வேட்பாளர் மட்டுமல்ல. கட்சியின் வேட்பாளர், ஒவ்வொரு காங்கிரஸ் தொண்டரின் வேட்பாளரும் ஆவார் என்று ஷாஃபி பரம்பில் கூறினார்.

முன்னதாக, மக்களவை எதிர்க்கட்சித் தலைவர் ராகுல் காந்தி கேரளாவில் ஐக்கிய ஜனநாயக முன்னணிக்கு தனது ஆதரவைத் தெரிவித்திருந்தார்.

இந்த கூட்டணி மக்களின் விருப்பங்களை பிரதிபலிப்பதாகவும், தேர்தலை எதிர்கொள்ளத் தயாராக இருப்பதாகவும் அவர் கூறியிருந்தார்.

2026 ஆம் ஆண்டு கேரள சட்டமன்றத் தேர்தல்கள் ஏப்ரல் 9 ஆம் தேதி ஒரே கட்டமாக நடைபெறும் என இந்திய தேர்தல் ஆணையம் மார்ச் 15 அன்று அறிவித்தது.

வாக்கு எண்ணிக்கை மே 4 ஆம் தேதி நடைபெறும் எனவும் தெரிவிக்கப்பட்டுள்ளது. தற்போதைய சட்டமன்றத்தின் பதவிக்காலம் மே 23 ஆம் தேதியுடன் நிறைவடைகிறது.

Hindusthan Samachar / JANAKI RAM