புதுடெல்லி, 22 மார்ச் (ஹி.ச.)

பீகார் தினம் இன்று அனுசரிக்கப்படுவதையொட்டி, குடியரசுத் தலைவர் முர்மு அன்பான வாழ்த்துகளை தெரிவித்ததுடன், அந்த மாநிலம் எதிர்காலத்தில் சிறப்பாக முன்னேற வேண்டும் என்ற நம்பிக்கையையும் வெளிப்படுத்தினார்.

இது தொடர்பாக அவர் ‘எக்ஸ்’ சமூக வலைத்தளத்தில் வெளியிட்ட பதிவில், நாட்டின் பல பகுதிகளிலும் வெளிநாடுகளிலும் வசிக்கும் பீகார் மக்களுக்கு மனமார்ந்த வாழ்த்துகளைத் தெரிவித்தார்.

உலகின் முதல் குடியரசின் தாயகமாகவும், புகழ்பெற்ற பேரரசுகள் மற்றும் சிறப்புமிக்க கலாச்சார, ஆன்மீக மரபுகளின் பிறப்பிடமாகவும் விளங்கும் பீகார், பல துறைகளில் பங்களிப்புகள் மூலம் இந்தியாவின் பெருமையை தொடர்ந்து உயர்த்தி வருவதாக அவர் குறிப்பிட்டார்.

மேலும், பீகார் மக்கள் தங்கள் திறமை மற்றும் கடின உழைப்பின் மூலம் மாநிலத்திற்கும், நாட்டிற்கும் முக்கிய பங்களிப்பு வழங்குவார்கள் என்ற நம்பிக்கையையும் அவர் வெளியிட்டார்.

மாநிலத்திற்கும் அதன் மக்களுக்கும் பொன்னான எதிர்காலம் அமைய தனது நல்வாழ்த்துகளைத் தெரிவித்துக் கொண்டார்.

1912 ஆம் ஆண்டு மார்ச் 22 அன்று, ஆங்கிலேயர்கள் வங்காளத்திலிருந்து பிரித்து பீகார் மாநிலத்தை உருவாக்கியதன் நினைவாக, ஒவ்வொரு ஆண்டும் இந்த நாள் ‘பீகார் தினம்’ எனக் கொண்டாடப்படுகிறது.

இந்நாளை முன்னிட்டு மாநிலம் முழுவதும் பொது விடுமுறை அனுசரிக்கப்படுகிறது.

Hindusthan Samachar / JANAKI RAM