காஞ்சிபுரம், 28 மார்ச் (ஹி.ச.)

காஞ்சிபுரம் சட்டமன்றத் தொகுதி என்பது காஞ்சிபுரம் மாவட்டத்தில் அமைந்துள்ள முக்கிய அரசியல் மற்றும் வரலாற்றுப் பின்னணி கொண்ட தொகுதியாகும்.

இது காஞ்சிபுரம் மக்களவைத் தொகுதியில் உள்ள ஆறு சட்டமன்றத் தொகுதிகளில் ஒன்றாகும். இது பொதுத் தொகுதி ஆகும். காஞ்சிபுரம் “கோயில்களின் நகரம்” என்று அழைக்கப்படுகிறது.

காஞ்சிபுரம், தமிழ்நாட்டின் வடகிழக்கே வேகவதி ஆற்றங்கரையில் அமைந்துள்ள வரலாற்றுச் சிறப்புமிக்க, ஆயிரம் கோயில்களின் நகரமாகும்.

பல்லவர்கள் மற்றும் சோழர்களின் தலைநகரமாக விளங்கிய இது, காமாட்சி அம்மன் கோவில், ஏகாம்பரநாதர் கோவில், வரதராஜ பெருமாள் கோவில் போன்ற பிரசித்தி பெற்ற கோவில்களுக்கும், உலகப் புகழ்பெற்ற கைத்தறி பட்டுப் புடவைகளுக்கும்

(Kanchipuram Silk Saree) பெயர் பெற்றது.

கைத்தறி பட்டு புடவைகள் காஞ்சிபுரத்தில் நெய்யப்படுகின்றன. பட்டு நெசவு தொழில் காஞ்சிபுரத்தின் பிரதான தொழில்முறையாகும்.

இந்தப் புடவைகள் தமிழ்நாடு, கேரளா, கர்நாடகா மற்றும் ஆந்திரப் பிரதேசத்தில் உள்ள பெரும்பாலான பெண்களால் திருமண மற்றும் விசேஷ புடவைகளாக அணியப்படுகின்றன.

2006 ஆம் ஆண்டு இந்திய அரசாங்கம் காஞ்சிபுரம் பட்டு புடவைகளுக்கு புவிசார் குறியீடு வழங்கி அங்கீகரித்தது.

காஞ்சிபுரம் சட்டமன்றத் தொகுதி காஞ்சிபுரம் மாவட்டத்தில் அமைந்துள்ளது. 2021ஆம் ஆண்டு சட்டமன்றத் தேர்தலில், திராவிட முன்னேற்றக் கழகம் கட்சியின் வேட்பாளர் எழிலரசன் 1,02,712 வாக்குகள் பெற்று வெற்றி பெற்றார். இரண்டாவது இடத்தில் பட்டாளி மக்கள் கட்சி வேட்பாளர் மகேஷ் குமார் 91,117 வாக்குகள் பெற்றார். மூன்றாவது இடத்தில் நாம் தமிழர் கட்சி, நான்காவது இடத்தில் மக்கள் நீதி மையம் இருந்தது குறிப்பிடத்தக்கது. இந்த தொகுதியின் தேர்தல் வரலாற்றைப் பார்த்தால், 1977ஆம் ஆண்டு முதல் தற்போது வரை அண்ணா திராவிட முன்னேற்ற கழகம் 6 முறையும், திராவிட முன்னேற்றக் கழகம் 4 முறையும் வெற்றி பெற்றுள்ளன. இதனால், அதிமுக இத்தொகுதியில் சற்று வலுவாகக் கருதப்படுகிறது.

இந்தச் சட்டமன்றத் தொகுதி காஞ்சிபுரம் நாடாளுமன்றத் தொகுதிக்கு உட்பட்டதாகும். 2024-ல் நடைபெற்ற நாடாளுமன்றத் தேர்தலில், இத்தொகுதிக்கு உட்பட்ட பகுதிகளில் திராவிட முன்னேற்ற கழகம் தனது வெற்றியைப் பதிவு செய்தது.

இந்தத் தேர்தல் சிறப்புப் பக்கத்தில் காஞ்சிபுரம் தொகுதியின், முந்தைய தேர்தல் முடிவுகள் மற்றும் புள்ளிவிவரங்கள், வெற்றி பெற்றவர்கள் மற்றும் இரண்டாம் இடம் பிடித்தவர்கள், வாக்கு வித்தியாசம் மற்றும் தற்போதைய எம்.எல்.ஏ குறித்த முழு விவரங்கள் உள்ளிட்ட தகவல்களை அறிந்து கொள்ளுங்கள். இந்தத் தொகுதியின் தற்போதைய கள நிலவரங்கள் மற்றும் தேர்தல் முடிவுகளை உடனுக்குடன் தெரிந்துகொள்ள தொடர்ந்து எங்களுடன் இணைந்திருங்கள்.

நீங்கள் தெரிந்துகொள்ள வேண்டியவை:

கோவில்கள் மற்றும் காஞ்சிபட்டு போன்றவை பிரபலமானவை என்றாலும், மக்கள் தரப்பில் பல்வேறு பிரச்சனைகள் தொடர்ந்து முன்வைக்கப்படுகின்றன. குறிப்பாக: கோடை காலங்களில் குடிநீர் தட்டுப்பாடு அதிகம், சில பகுதிகளில் நிலையான குடிநீர் விநியோகம் இல்லை, வடிகால் மற்றும் கழிவுநீர் பிரச்சனைகள், வேகமான நகர வளர்ச்சியின்போதும் அடிப்படை வசதிகள் குறைவு, தொழிலாளர்கள் நலன் மற்றும் நெசவாளர்களுக்கு போதிய சலுகைகள் இல்லாதது

தற்போதைய ஆளும் கட்சியான திமுக, அரசு திட்டங்கள், நலத்திட்ட உதவிகள், உட்கட்டமைப்பு பணிகள் ஆகியவற்றை முன்னிறுத்தி வாக்குகளை உறுதிப்படுத்த முயற்சி செய்யும். குறிப்பாக பெண்கள், நலத்திட்ட பயனாளிகள், அரசு ஊழியர்கள், நகர்ப்புற நடுத்தர வர்க்கத்தில் திமுகவுக்கு ஓரளவு ஆதரவு இருப்பதாக அரசியல் வட்டாரங்கள் கருதுகின்றன. அதே நேரத்தில், சில பகுதிகளில் நிலவும் குடிநீர், போக்குவரத்து, வேலைவாய்ப்பு போன்ற பிரச்சினைகள் ஆளும் கட்சிக்கு எதிரான கேள்விகளையும் உருவாக்கியுள்ளன. இந்த அதிருப்தியை எவ்வாறு சமாளிக்கிறது என்பதே திமுகவின் வெற்றியை தீர்மானிக்கும் காரணியாக இருக்கும்.

அதிமுகவின் தேர்தல் பிரச்சாரம்

எதிர்க்கட்சியான அதிமுக, வழக்கம்போல் ஆளும் கட்சிக்கு எதிரான அதிருப்தியை மூலதனமாக்க முயற்சி செய்யும். சட்டம் ஒழுங்கு, வாக்குறுதி நிறைவேற்றம், விலைவாசி உயர்வு போன்ற விவகாரங்களை முன்னிறுத்தி தேர்தல் பிரச்சாரத்தை தீவிரப்படுத்தும் வாய்ப்பு அதிகம். கடந்த தேர்தலில் கிடைத்த வாக்கு வங்கி முழுமையாக சிதறாமல் இருந்தால், அதிமுக திமுகவுக்கு கடும் சவாலை உருவாக்க முடியும். ஆனால் கட்சியின் உள் ஒற்றுமை, கூட்டணி அமைப்பு போன்றவை இந்த தொகுதியில் அதிமுகவின் பலவீனமாகவும் பார்க்கப்படுகிறது.

பாஜகவின் வாக்கு வங்கி

பாஜக, தனிப்பட்ட பலத்துடன் காஞ்சிபுரம் தொகுதியில் வெற்றி பெறும் நிலை இன்னும் உருவாகவில்லை என்றாலும், அதன் வாக்கு வங்கி மெதுவாக வளர்ந்து வருவதாகக் கூறப்படுகிறது. குறிப்பாக நகர்ப்புற இளைஞர்கள், நடுத்தர வர்க்கம் மற்றும் மத்திய அரசின் திட்டங்களை ஆதரிக்கும் வாக்காளர்கள் மத்தியில் பாஜக தனக்கென ஓரளவு இடத்தை பிடிக்க முயற்சி செய்கிறது. அதிமுக கூட்டணியில் இருக்கும் பாஜக பெறும் வாக்குகள் நேரடியாக திமுக கணக்கை மாற்றக் கூடியதாக இருக்கும்.

தவெகவின் புதிய வரவு

இந்த தேர்தலில் முக்கியமான புதிய மாற்றமாக தமிழக வெற்றிக் கழகம் கட்சியின் வருகை பார்க்கப்படுகிறது. விஜய் தலைமையிலான இந்த கட்சி, இளைஞர்கள், முதல் முறை வாக்காளர்கள் மற்றும் அரசியல் மீது வெறுப்படைந்த ஒரு குறிப்பிட்ட பிரிவை ஈர்க்கும் திறன் கொண்டதாக கருதப்படுகிறது. காஞ்சிபுரம் போன்ற நகர்ப்புறம், கிராமப்புறம் கலந்த தொகுதிகளில், தவெக கட்சி குறிப்பிடத்தக்க அளவு வாக்குகளை பிரிக்கும் வாய்ப்பு உள்ளது. தவெக நேரடியாக வெற்றி பெறுமா என்பதைக் காட்டிலும், அது எந்த கட்சியின் வாக்குகளை அதிகம் பாதிக்கும் என்பதே முக்கியமான கேள்வியாக உள்ளது.

நான்கு முனைப் போட்டி நிலவி வருவதால், இந்த முறை யார் வெற்றி பெறுவார்கள் என்ற கேள்வி பெரும் எதிர்பார்ப்பை ஏற்படுத்தியுள்ளது. புதிதாக களம் காணும் தமிழக வெற்றிக் கழகம் கணிசமான வாக்குகளை பிரிக்கக்கூடும் எனவும் அரசியல் வட்டாரங்களில

நான்கு முனைப் போட்டி நிலவி வருவதால், இந்த முறை யார் வெற்றி பெறுவார்கள் என்ற கேள்வி பெரும் எதிர்பார்ப்பை ஏற்படுத்தியுள்ளது.

புதிதாக களம் காணும் தமிழக வெற்றிக் கழகம் கணிசமான வாக்குகளை பிரிக்கக்கூடும் எனவும் அரசியல் வட்டாரங்களில் கருத்துக்கள் நிலவுகின்றன.

Hindusthan Samachar / Dr. Vara Prasada Rao PV