சென்னை, 08 மார்ச் (ஹி.ச.)

இந்திய பங்குச் சந்தை கடந்த வாரம் பெரிய சரிவைச் சந்தித்தது.

ஐந்து வர்த்தக நாட்களில் ஒரு நாள் மட்டுமே ஏற்றத்துடன் முடிந்தது. மற்ற நான்கு நாட்களும் இறக்கத்தையே கண்டன.

இந்தச் சூழலில், ரூ.200-க்கும் குறைவான விலையுள்ள பங்குகளை வாங்கலாம் என்று நிபுணர்கள் ஆலோசனை கூறுகின்றனர்.

சென்ற வெள்ளிக்கிழமை சென்செக்ஸ் 1,097 புள்ளிகள் குறைந்து 78,918.90-ஆக இருந்தது. அதேபோல், நிஃப்டி 50 ஆனது 315 புள்ளிகள் குறைந்து 24,450.45-ல் முடிந்தது.

நாளை வாங்க வேண்டிய பங்குகள் பற்றி ஆனந்த் ரதியின் மெஹுல் கோத்தாரி சில பங்குகளைப் பரிந்துரைத்துள்ளார்.

ஜம்மு & காஷ்மீர் வங்கியின் பங்குகளை ரூ.119 முதல் ரூ.116-க்குள் வாங்கலாம்.

இதன் இலக்கு விலை ரூ.128 ஆகவும், ஸ்டாப்லாஸ் ரூ.111 ஆகவும் இருக்க வேண்டும்.

இர்கான் இன்டர்நேஷனல் நிறுவன பங்குகளை ரூ.147 - ரூ.145 என்ற விலையில் வாங்கலாம்.

இதன் இலக்கு விலை ரூ.160 ஆகவும், ஸ்டாப் லாஸ் விலை ரூ.140 ஆகவும் நிர்ணயிக்கப்பட்டுள்ளது.

ஃபினோலெக்ஸ் இண்டஸ்ட்ரீஸ் நிறுவனத்தின் பங்குகளை ரூ.188 – ரூ.185 விலையில் வாங்கலாம்.

இதன் இலக்கு விலை ரூ.205 ஆகவும், ஸ்டாப் லாஸ் ரூ.175 ஆகவும் இருக்க வேண்டும் என்பது குறிப்பிடத்தக்கது.

Hindusthan Samachar / JANAKI RAM