புதுடெல்லி, 09 மார்ச் (ஹி.ச.)

அரியானாவில் லேசான நிலநடுக்கம் உண்டானதாக தேசிய நில அதிர்வு மையம் அறிவித்துள்ளது.

ரேவாரி பகுதியில் இன்று காலை 7.01 மணிக்கு ஏற்பட்ட இந்த நிலநடுக்கம் ரிக்டர் அளவில் 2.8 ஆக பதிவாகியுள்ளது.

இது 5 கி.மீ ஆழத்தில், 28.31 டிகிரி வடக்கு அட்சரேகை மற்றும் 76.42 டிகிரி கிழக்கு தீர்க்கரேகையில் ஏற்பட்டதாக முதலில் கணிக்கப்பட்டது.

இந்த நிலநடுக்கத்தால் ஏற்பட்ட பாதிப்புகள் குறித்த விவரங்கள் எதுவும் உடனடியாகத் தெரியவரவில்லை.

இதற்கு முன்பு, நேற்று ஒரே நாளில் அருணாச்சல பிரதேசத்தில் 5 முறை நிலநடுக்கம் ஏற்பட்டது குறிப்பிடத்தக்கது.

Hindusthan Samachar / JANAKI RAM