தூத்துக்குடி, 12 ஏப்ரல் (ஹி.ச.)

தூத்துக்குடி பகுதியில் தமிழக வெற்றிக் கழகத்தில் தீவிரமாக செயல்பட்டு வந்த தொண்டர் அஜித்தா ஆக்னல், இன்று மாலை முதலமைச்சர் முன்னிலையில் திமுகவில் இணைய உள்ளதாக தகவல் வெளியாகியுள்ளது.

அஜித்தா ஆக்னல், தமிழக வெற்றிக் கழகத்தின் அடிப்படை மட்டத்தில் செயல்பட்டு வந்தவராக அறியப்படுகிறார்.

குறிப்பாக தூத்துக்குடி மாவட்டத்தில் கட்சியின் பணிகளை முன்னெடுத்து வந்தவர் என்ற நிலையில், அவரது இந்த மாற்றம் அக்கட்சிக்குள் பேசுபொருளாகியுள்ளது.

வரவிருக்கும் சட்டமன்றத் தேர்தலில் போட்டியிட தமிழக வெற்றிக் கழகத்தில் இருந்து வாய்ப்பு வழங்கப்படாததால் அவர் அதிருப்தியில் இருந்ததாக கூறப்படுகிறது.

இதனையடுத்து, அரசியல் எதிர்காலத்தை கருத்தில் கொண்டு திமுகவில் இணைய தீர்மானித்ததாக தகவல்கள் தெரிவிக்கின்றன.

இன்று மாலை நடைபெறும் நிகழ்ச்சியில் முதலமைச்சர் முன்னிலையில் அவர் அதிகாரப்பூர்வமாக திமுகவில் இணைவார் என எதிர்பார்க்கப்படுகிறது.

இந்த இணைவு, குறிப்பாக தென் மாவட்ட அரசியல் சூழலில் தாக்கத்தை ஏற்படுத்தக்கூடும் என அரசியல் வட்டாரங்கள் மதிப்பிடுகின்றனர்.

Hindusthan Samachar / P YUVARAJ