கோவை, 14 ஏப்ரல் (ஹி.ச.)

தமிழ் புத்தாண்டை முன்னிட்டு கோவை மாவட்டத்தில் உள்ள புலியகுளம் அருள்மிகு முந்தி விநாயகர் ஆலயம் சிறப்பு அலங்காரத்தால் பக்தர்களை கவர்ந்து வருகிறது.

கோவை புலியகுளத்தில் அமைந்துள்ள இந்த ஆலயத்தில் 19 அடி உயரத்தில் உள்ள முந்தி விநாயகருக்கு இந்த ஆண்டைய தமிழ் புத்தாண்டை முன்னிட்டு விசேஷ அலங்காரம் செய்யப்பட்டுள்ளது.

மா, பலா, வாழை, ஆப்பிள், ஆரஞ்சு, அண்ணாச்சி உள்ளிட்ட பல்வேறு வகையான பழங்களால் சுமார் 2 டன் அளவில் விநாயகருக்கு அபூர்வமான அலங்காரம் செய்யப்பட்டு உள்ளது.

வண்ணமயமான பழங்களால் செய்யப்பட்ட இந்த அலங்காரம் பக்தர்களின் கவனத்தை ஈர்த்து வருகிறது.

இந்த விசேஷ அலங்காரத்தை காண கோவை மற்றும் சுற்றுவட்டார பகுதிகளில் இருந்து ஏராளமான பக்தர்கள் ஆலயத்திற்கு திரண்டு வருகின்றனர்.

அதிகமான பக்தர்கள் வருகை தருவதால், ஆலய வளாகத்தில் நீண்ட வரிசையில் நின்று பக்தர்கள் சாமி தரிசனம் செய்து வருகின்றனர்.

தமிழ் புத்தாண்டை முன்னிட்டு நடைபெற்ற இந்த அலங்காரம் பக்தர்களுக்கு ஆன்மீக மகிழ்ச்சியை அளிப்பதுடன், விழாக்கோலத்தில் ஆலயத்தை மாற்றியுள்ளது.

மேலும், பக்தர்கள் அமைதியான முறையில் தரிசனம் செய்ய தேவையான ஏற்பாடுகளும் ஆலய நிர்வாகம் சார்பில் செய்யப்பட்டுள்ளன.

மொத்தத்தில், தமிழ் புத்தாண்டை முன்னிட்டு நடைபெற்ற இந்த பழ அலங்காரம் கோவை நகரில் ஒரு முக்கிய ஆன்மீக நிகழ்வாக மாறியுள்ளது.

Hindusthan Samachar / ANANDHAN