புதுடெல்லி , 15 ஏப்ரல் (ஹி.ச.)

சட்டமன்ற அமைப்புகளில் பெண்களுக்கு மூன்றில் ஒரு பங்கு இட ஒதுக்கீடு வழங்கும் மகளிர் இட ஒதுக்கீடு மசோதாவை கொண்டு வந்த மத்திய அரசின் முயற்சிக்கு முன்னாள் ஜனாதிபதி பிரதீபா பாட்டீல் பாராட்டு தெரிவித்துள்ளார்.

மகளிர் இட ஒதுக்கீடு மசோதா கடந்த 2023-ம் ஆண்டு நாடாளுமன்றத்தில் நிறைவேற்றப்பட்டது.

2011 மக்கள் தொகை கணக்கெடுப்பின் அடிப்படையில் இந்த சட்டத்தை அமல்படுத்த மத்திய அரசு திட்டமிட்டுள்ளது.

இதன் மூலம் 2029 பொதுத்தேர்தலுக்கு முன்பாக இந்த மசோதா நடைமுறைக்கு வரும் என எதிர்பார்க்கப்படுகிறது.

இந்த நிலையில், காங்கிரஸ் கட்சியின் மூத்த தலைவராகவும், இந்தியாவின் முதல் பெண் ஜனாதிபதியாகவும் விளங்கிய பிரதீபா பாட்டீல், இந்த மசோதா பெண்களின் அரசியல் பங்குபற்றலை உயர்த்தும் முக்கியமான முன்னேற்றமாகும் என்று தெரிவித்துள்ளார்.

இதுகுறித்து பிரதமர் நரேந்திர மோடிக்கு அவர் எழுதியுள்ள கடிதத்தில்,

மகளிர் இட ஒதுக்கீடு மசோதாவை நிறைவேற்றிய மத்திய அரசின் தீர்மானம் வரலாற்றுச் சிறப்புமிக்கது.

இது பெண்களின் அதிகாரமளிப்பை வலுப்படுத்தும் முக்கியமான நடவடிக்கை ஆகும்.

நாட்டின் வளர்ச்சியில் பெண்களின் பங்களிப்பு மேலும் அதிகரிக்கும்,

என்று குறிப்பிட்டுள்ளார்.

Hindusthan Samachar / M.DEEPAK RAJA