புதுடெல்லி, 16 ஏப்ரல் (ஹி.ச.)

பாஜக தேசிய தலைவர் நிதின் நபின், ராஜ்யசபா உறுப்பினராக பதவியேற்றார். டெல்லியில் நடைபெற்ற பதவியேற்பு நிகழ்ச்சியில், அவர் உறுப்பினராக உறுதிமொழி எடுத்துக் கொண்டார்.

இந்த நிகழ்ச்சியில், பல்வேறு மாநிலங்களை சேர்ந்த புதிதாக தேர்ந்தெடுக்கப்பட்ட உறுப்பினர்களும் ஒன்றாக பதவியேற்றனர்.

அவர்கள் ஹிந்தியில் உறுதிமொழி எடுத்துக் கொண்ட போது, சபையில் உள்ள உறுப்பினர்கள் மேசைகளைத் தட்டி மகிழ்ச்சி தெரிவித்தனர்.

நிதின் நபின், பீகார் மாநிலத்தைச் சேர்ந்த முக்கிய பாஜக தலைவராக உள்ளார்.

ராஜ்யசபா உறுப்பினராக தேர்வு செய்யப்பட்டதையடுத்து, அவர் முன்பு வகித்த சட்டமன்ற உறுப்பினர் பதவியிலிருந்து விலகி, தேசிய அரசியல் தளத்தில் முக்கிய பங்காற்றத் தொடங்கியுள்ளார்.

2026 ஆம் ஆண்டு நடைபெறும் ராஜ்யசபா தேர்தல்களின் ஒரு பகுதியாகவே அவர் இந்த பதவியைப் பெற்றுள்ளார்.

இந்த பதவியேற்பு மூலம், நிதின் நபின் தேசிய அரசியலில் மேலும் முக்கியமான பங்கு வகிப்பார் என அரசியல் வட்டாரங்களில் எதிர்பார்க்கப்படுகிறது.

விரைவில் நிதின் நபின் மத்திய அமைச்சராகவும் பொறுப்பேற்க வாய்ப்பு உள்ளதாக தகவல் கசிந்துள்ளது.

Hindusthan Samachar / VINOTH KUMAR P