ஆமதாபாத், 18 ஏப்ரல் (ஹி.ச.)

10 அணிகள் இடையிலான இந்தியன் பிரீமியர் லீக் (ஐ.பி.எல்.) 19-வது கிரிக்கெட் தொடர் இந்தியாவின் பல்வேறு நகரங்களில் நடைபெற்று வருகிறது.

இதில் நரேந்திர மோடி ஸ்டேடியம் மைதானத்தில் நடைபெற்ற 25-வது லீக் ஆட்டத்தில் குஜராத் டைட்டன்ஸ் மற்றும் கொல்கத்தா நைட் ரைடர்ஸ் அணிகள் மோதின.

இந்த போட்டியில் டாஸ் வென்ற கொல்கத்தா அணியின் கேப்டன் அஜிங்க்யா ரஹானே பேட்டிங்கை தேர்வு செய்தார்.

அதன்படி முதலில் விளையாடிய கொல்கத்தா அணிக்கு தொடக்கம் அதிர்ச்சி அளித்தது.

ரஹானே ரன் எதுவும் எடுக்காமல் அவுட்டானார். டிம் சீபார்ட் 19 ரன்களிலும், ரகுவன்ஷி 8 ரன்களிலும் ஆட்டமிழந்தனர்.

இதையடுத்து கேமரூன் கிரீன் பொறுப்புடன் விளையாடி அணியை தாங்கினார். அவர் சிறப்பாக ஆடி அரைசதம் அடித்து 79 ரன்கள் எடுத்தார்.

ஆனால் மற்ற வீரர்கள் பெரிதாக ஆதரவு அளிக்காததால், கொல்கத்தா அணி 20 ஓவர்கள் முடிவில் 180 ரன்களுக்கு ஆட்டமிழந்தது.

குஜராத் அணியில் காகிசோ ரபாடா 3 விக்கெட்டுகள் வீழ்த்தி சிறப்பாக பந்துவீச்சு செய்தார்.

இதனைத் தொடர்ந்து 181 ரன்கள் எடுத்தால் வெற்றி என்ற இலக்குடன் களம் இறங்கிய குஜராத் அணி, ஆரம்பத்தில் சற்று தடுமாறினாலும் பின்னர் சீரான ஆட்டத்தை வெளிப்படுத்தியது.

இறுதியில் 19.4 ஓவர்களில் 5 விக்கெட் இழப்பிற்கு 181 ரன்கள் எடுத்துக் கொண்டு வெற்றி பெற்றது.

இதன் மூலம் குஜராத் டைட்டன்ஸ் அணி 5 விக்கெட் வித்தியாசத்தில் வெற்றி பெற்று முக்கியமான புள்ளிகளை பெற்றது.

கொல்கத்தா அணியின் சார்பில் வருண் சக்ரவர்த்தி 2 விக்கெட்டுகள் வீழ்த்தினார்.

மேலும் சுனில் நரைன், வைபவ் அரோரா மற்றும் ரமன்தீப் சிங் தலா ஒரு விக்கெட் எடுத்தனர்.

Hindusthan Samachar / M.DEEPAK RAJA