புதுடெல்லி, 02 ஏப்ரல் (ஹி.ச.)

பாதுகாப்புத் துறை அமைச்சர் ராஜ்நாத் சிங் 2025-26 நிதியாண்டில் இந்தியாவின் பாதுகாப்பு ஏற்றுமதி ₹38,424 கோடியை எட்டியுள்ளதாக இன்று தெரிவித்தார்.

இது குறித்துபாதுகாப்புத் துறை அமைச்சர்தனது எக்ஸ் சமூக வலைத்தள கணக்கில்,

பிரதமர்நரேந்திர மோடியின் ஊக்கமளிக்கும் தலைமையின் கீழ், இந்தியா பாதுகாப்பு ஏற்றுமதித் துறையில் ஒரு ஈர்க்கக்கூடிய வெற்றிக் கதையை எழுதி வருகிறது!

2025-26 நிதியாண்டில், இந்தியாவின் பாதுகாப்பு ஏற்றுமதி ₹38,424 கோடி என்ற சாதனை அளவை எட்டி, புதியஉச்சத்தைத் தொட்டுள்ளது. இது முந்தைய நிதியாண்டை விட 62.66% என்ற வலுவான வளர்ச்சியைச் சுட்டிக்காட்டுகிறது.

பாதுகாப்பு ஏற்றுமதியில் ஏற்பட்டுள்ள ₹14,802 கோடி மதிப்பிலான இந்த மிகப்பெரிய வளர்ச்சி, இந்தியாவின் உள்நாட்டுத் திறன்கள் மற்றும் மேம்பட்ட உற்பத்தி வலிமையின் மீது உலக அளவில் வளர்ந்து வரும் நம்பிக்கையைப் பிரதிபலிக்கிறது.

பாதுகாப்புத் துறை பொதுத்துறை நிறுவனங்கள் 54.84 சதவீதமும், தனியார் துறை நிறுவனங்கள் 45.16 சதவீதமும் பங்களித்துள்ளதன் மூலம், இந்த மைல்கல் ஒரு கூட்டு மற்றும் தற்சார்பு பாதுகாப்புச் சூழலமைப்பின் ஆற்றலை வெளிப்படுத்துகிறது.

என்று பதிவிட்டுள்ளார்.

Hindusthan Samachar / JANAKI RAM