சிவகங்கை, 02 ஏப்ரல் (ஹி.ச.)

சிவகங்கை மாவட்டம் மானாமதுரை தொகுதியில் நடைபெற்ற தேர்தல் பிரசார கூட்டத்தில் திமுக எம்.பி. கனிமொழி பேசியது அரசியல் வட்டாரங்களில் கவனம் ஈர்த்துள்ளது.

திமுக வேட்பாளரை ஆதரித்து பேசிய அவர்,

இந்தத் தேர்தல் சாதாரண தேர்தல் அல்ல. இது ராஷ்ட்ரீய ஸ்வயம்சேவக் சங்க் தலைமையகம் உள்ள நாக்பூருக்கும், கீழடி தமிழர்களுக்கும் இடையிலான போராட்டம் என்று கூறினார்.

மேலும், கீழடியில் நடைபெற்ற அகழ்வாராய்ச்சிகள் தமிழர் நாகரிகத்தின் தொன்மையை உலகுக்கு எடுத்துக்காட்டியுள்ளதாகவும், அந்த உண்மைகளை மத்திய அரசு ஏற்க தயங்குகிறது என்றும் குற்றம்சாட்டினார்.

தமிழ் மொழி, கலாசாரம் மற்றும் அடையாளத்தை பாதுகாப்பதே இந்தத் தேர்தலின் முக்கிய நோக்கம் எனவும் அவர் வலியுறுத்தினார்.

இந்த பேச்சு தமிழக அரசியல் வட்டாரங்களில் பரபரப்பை ஏற்படுத்தியுள்ளது.

Hindusthan Samachar / GOKILA arumugam