ஹைதராபாத் ,22 ஏப்ரல் (ஹி.ச.)

தொடர்ந்து நடைபெற்று வரும் ஆர்டிசி ஊழியர்களின் வேலைநிறுத்தத்தை உடனடியாக கைவிட வேண்டும் என்று மாநில போக்குவரத்து துறை அமைச்சர் பொன்னம் பிரபாகர் கேட்டுக்கொண்டார்.

பிரச்சினைகளுக்கு வேலைநிறுத்தம் தீர்வாகாது என்றும் அவர் தெரிவித்தார்.

ஆர்டிசி ஊழியர்கள் முன்வைத்த கோரிக்கைகளை தீர்க்க அரசு நடவடிக்கை எடுத்து வருவதாகவும், இதற்காக 4 அதிகாரிகள் கொண்ட குழு அமைக்கப்பட்டுள்ளதாகவும் அமைச்சர் கூறினார்.

இந்தக் குழு 4 வாரங்களுக்குள் அறிக்கை சமர்ப்பிக்க உத்தரவிடப்பட்டுள்ளதாகவும் தெரிவித்தார்.

குழு அமைப்பது காலதாமதம் செய்யும் முயற்சி என்ற குற்றச்சாட்டு தவறானது என்றும் அவர் விளக்கினார்.

ஊழியர்கள் முன்வைத்த 32 கோரிக்கைகளில் 29 கோரிக்கைகளுக்கு அரசுக்கு எந்த எதிர்ப்பும் இல்லை என்றும், அவை உடனடியாக தீர்க்கக்கூடியவை என்றும் அமைச்சர் தெரிவித்தார்.

ஆனால், ஆர்டிசி இணைப்பு மற்றும் அங்கீகார சங்கத் தேர்தல்கள் ஆகிய இரண்டு கோரிக்கைகள் மட்டும் நிலுவையில் உள்ளதாக கூறினார்.

இவை தொடர்பாக தொழில்நுட்ப அம்சங்கள் உள்ளதால் ஆய்வு செய்ய 4 வாரங்கள் அவசியம் என விளக்கினார்.

இந்த இரண்டு முக்கிய பிரச்சினைகள் குறித்து முதலமைச்சர் மற்றும் துணை முதலமைச்சருடன் ஆலோசித்து விரைவில் தீர்வு காணப்படும் என்றும் அமைச்சர் தெரிவித்தார்.

இணைப்பு தாமதமானாலும், ஊழியர்களுக்கு மாதந்தோறும் முதல் தேதியிலேயே சம்பளம் வழங்கப்பட்டு வருவதாகவும் கூறினார்.

அங்கீகார சங்கத் தேர்தல் விவகாரத்தில் தலைவர்களுக்குள் கருத்து வேறுபாடுகள் உள்ளதாகவும் அமைச்சர் குறிப்பிட்டார்.

தற்போது ஆர்டிசி மெதுவாக சீராகி வருவதாகவும், அனைத்து பிரச்சினைகளும் தீர்க்கப்படும் என்றும் அவர் நம்பிக்கை தெரிவித்தார்.

போராட்டம் நடத்துவது ஜனநாயக உரிமை என்றாலும், பொதுமக்கள், குறிப்பாக ஏழை மக்களின் பயணத்திற்கு இடையூறு ஏற்படுத்த வேண்டாம் என அமைச்சர் கேட்டுக்கொண்டார்.

தலைவர்கள் போராட்டத்தை முன்னெடுக்கலாம், ஆனால் மற்ற ஊழியர்கள் பணிக்கு திரும்பி பயணிகளுக்கு சிரமம் ஏற்படாதவாறு செயல்பட வேண்டும் என்றும் அவர் வேண்டுகோள் விடுத்தார்.

Hindusthan Samachar / M.DEEPAK RAJA