தமிழ்நாடு, 28 ஏப்ரல் (ஹி.ச.)

தமிழ்நாட்டின் பொருளாதாரம் தொடர்ந்து வலுவான வளர்ச்சிப் பாதையில் பயணித்து வருகிறது.

2025–26 நிதியாண்டில் மாநிலத்தின் பொருளாதார வளர்ச்சி விகிதம் 10.83 சதவீதமாக பதிவாகியுள்ளது.

இதன் மூலம், தொடர்ந்து இரண்டாவது ஆண்டாக தமிழ்நாடு இரட்டை இலக்க பொருளாதார வளர்ச்சியை எட்டியுள்ளது.

இது மாநிலத்தின் தொழில், சேவை, உற்பத்தி மற்றும் முதலீட்டு துறைகளில் நிலவும் வலுவான முன்னேற்றத்தை பிரதிபலிக்கிறது.

முன்னதாக, 2024–25 நிதியாண்டில் தமிழ்நாட்டின் பொருளாதார வளர்ச்சி 11.19 சதவீதமாக இருந்தது. அதனைத் தொடர்ந்து, 2025–26 நிதியாண்டிலும் 10.83 சதவீத வளர்ச்சி பதிவாகியுள்ளது.

தேசிய அளவில் பல்வேறு பொருளாதார சவால்கள் நிலவியபோதிலும், தமிழ்நாடு தொடர்ந்து உயர்ந்த வளர்ச்சி விகிதத்தைப் பதிவு செய்திருப்பது, மாநிலத்தின் வலுவான பொருளாதார அடித்தளத்தையும், திறமையான நிர்வாகத்தையும் வெளிப்படுத்துகிறது.

தொழில் முதலீடுகள், உள்கட்டமைப்பு மேம்பாடு, ஏற்றுமதி வளர்ச்சி மற்றும் வேலைவாய்ப்பு உருவாக்கம் ஆகியவை இந்த வளர்ச்சிக்கு முக்கிய காரணிகளாகக் கருதப்படுகின்றன.

தமிழ்நாடு, நாட்டின் முன்னணி பொருளாதார மாநிலங்களில் ஒன்றாக தனது நிலையை மேலும் உறுதிப்படுத்தியுள்ளது.

Hindusthan Samachar / GOKILA arumugam