நீலகிரி, 08 ஏப்ரல் (ஹி.சதலைப்பு)

நீலகிரி மாவட்டம் குன்னூர் சட்டசபை தொகுதி த.வெ.க. வேட்பாளரை ஆதரித்து அந்த கட்சியின் கொள்கை பரப்பு செயலாளர் நாஞ்சில் சம்பத் தீவிர பிரசாரம் மேற்கொண்டார்.

அப்போது அவர் பொதுமக்கள் மத்தியில் பேசியதாவது:

விஜய் எந்த இடத்திற்கு சென்றாலும் அங்கு மக்கள் கூட்டம் தானாகவே உருவாகிறது. மற்ற அரசியல் கட்சிகளைப் போல கூட்டத்தை ஏற்பாடு செய்து அழைத்து வர வேண்டிய அவசியம் இல்லை. மக்கள் தாமாகவே ஆர்வத்துடன் வந்து திரளாகக் கூடுகின்றனர்.

விஜயின் அரசியல் பயணம் ஆரம்பித்ததிலிருந்து பொதுமக்களிடையே அவருக்கு கிடைக்கும் ஆதரவு நாளுக்கு நாள் அதிகரித்து வருகிறது. அவர் பேசும் கருத்துகள், இளைஞர்களிடையே நல்ல வரவேற்பைப் பெற்றுள்ளன.

இதன் காரணமாகவே அவரது தேர்தல் பிரச்சாரங்களில் பெரும் மக்கள் திரள் காணப்படுகிறது.

மேலும், இந்த நிலைமை தமிழக அரசியலில் மாற்றத்திற்கான ஒரு அறிகுறியாக பார்க்கப்படலாம் என்றும் நாஞ்சில் சம்பத் குறிப்பிட்டார்.

விஜயின் பிரச்சாரங்கள் எதிர்காலத்தில் மேலும் வலுப்பெறும் என்றும் அவர் நம்பிக்கை தெரிவித்துள்ளார்.

இவ்வாறு அவர் கூறினார்.

Hindusthan Samachar / GOKILA arumugam