குவஹாத்தி, 10 மே (ஹி.ச.)

அசாம் சட்டப்பேரவைத் தேர்தலில் பாஜக தலைமையிலான என்.டி.ஏ கூட்டணி அபார வெற்றி பெற்று, மாநிலத்தில் தொடர்ச்சியாக மூன்றாவது முறையாக ஆட்சி அமைக்கிறது.

கூட்டணி மொத்தம் 102 இடங்களைக் கைப்பற்றியது, எதிர்க்கட்சிகள் 75 இடங்களை வென்றன.

பாஜக 82 இடங்களிலும், கூட்டணிக் கட்சிகளான அசாம் கண பரிஷத் (AGP) மற்றும் போடோலாந்து மக்கள் முன்னணி (BOPF) தலா 10 இடங்களிலும் வெற்றி பெற்று, NDA-வின் மொத்த பலம் 102 ஆக உயர்ந்தது.

எதிர்க்கட்சிகளில், காங்கிரஸ் தலைமையிலான ‘மித்ரஜூட்’ கூட்டணி 19 இடங்களையும், ரைஜோர் தளம் 2 இடங்களையும் வென்றன.

அசாம் ஜாதிய பரிஷத் (AJP) ஒரு இடத்திலும் வெற்றி பெறவில்லை. AIUDF 2 இடங்களைக் கைப்பற்றியது.

இந்த நிலையில் குவஹாத்தியில் இன்று நடைபெறவுள்ள பாஜக சட்டமன்றக் கட்சிக் கூட்டத்திற்கான ஏற்பாடுகள் தீவிரமாக நடைபெற்று வருகின்றன.

இன்று நடைபெறவுள்ள இக்கூட்டத்தில் கட்சியின் தலைவர் முறைப்படி தேர்ந்தெடுக்கப்படுவார்.

இதைத் தொடர்ந்து, கூட்டணித் தலைவரைத் தேர்வு செய்ய தேசிய ஜனநாயகக் கூட்டணியின் (NDA) ஒருங்கிணைந்த கூட்டம் நடைபெறும்.

பாஜக தலைமையிலான தேசிய ஜனநாயகக் கூட்டணி அரசு அசாமில் மே 12-ஆம் தேதி பதவியேற்க உள்ளது.

இந்த விழாவில் பிரதமர் நரேந்திர மோடி சிறப்பு விருந்தினராகக் கலந்து கொள்கிறார்.

Hindusthan Samachar / vidya.b