அமராவதி , 21 மே (ஹி.ச.)

திருப்பதி மாவட்டம் சந்திரகிரி மண்டலம் தொண்டவாடா கிராமத்தைச் சேர்ந்த பக்யவதி, வேலைக்காக கடந்த பிப்ரவரி மாதம் குவைத் சென்றார்.

அங்கு வீட்டு வேலைக்காரியாக பணியாற்றி வந்த அவர், தன்னை வேலைக்கு வைத்துள்ளவர்கள் உடல் மற்றும் மன ரீதியாக துன்புறுத்தி வருவதாக குற்றம்சாட்டியுள்ளார்.

மேலும், தன்னை இந்தியாவிற்கு திருப்பி அனுப்புமாறு கேட்டபோது, பணம் கோரி மிரட்டுவதாகவும் தெரிவித்துள்ளார்.

தனது நிலையை விளக்கி, உதவி கோரி அவர் வெளியிட்ட செல்ஃபி வீடியோ சமூக வலைதளங்களில் பரவி, முதல்வர் அலுவலகத்தின் கவனத்திற்கு வந்தது.

இதையடுத்து, உடனடியாக செயல்பட்ட முதல்வர் (ஏபிஎன்ஆர்டி) மூலம் நடவடிக்கை எடுக்க அதிகாரிகளுக்கு உத்தரவிட்டார்.

அதன் பேரில், ஏபிஎன்ஆர்டி அதிகாரிகள் குவைத்தில் உள்ள இந்திய தூதரகத்துடன் தொடர்பு கொண்டு, பக்யவதியை பாதுகாப்பாக மீட்டு வர நடவடிக்கைகளை தீவிரப்படுத்தியுள்ளனர்.

மேலும், இந்த சம்பவத்திற்கு காரணமான முகவர்கள் மீது விசாரணை நடத்தி, சட்டப்படி கடுமையான நடவடிக்கை எடுக்கவும் முதல்வர் உத்தரவிட்டுள்ளார்.

இதற்கிடையில், திருப்பதி மாவட்ட நிர்வாகமும், உள்ளூர் போலீசாரும் பக்யவதியின் குடும்பத்தினருடன் தொடர்ந்து தொடர்பில் இருந்து, அவர்களுக்கு ஆறுதல் அளித்து வருகின்றனர்.

அவர் பாதுகாப்பாக திரும்பும் வரை அரசு முழுமையான உதவி வழங்கும் என்று அதிகாரிகள் தெரிவித்துள்ளனர்.

Hindusthan Samachar / M.DEEPAK RAJA