அமராவதி , 23 மே (ஹி.ச.)

ஆந்திரப் பிரதேச மனித வள மேம்பாடு, தகவல் தொழில்நுட்பம் மற்றும் மின்சாதனத் துறை அமைச்சர் நாரா லோகேஷ் ரஷ்யா பயணம் மேற்கொள்ள மாநில அரசு அனுமதி வழங்கியுள்ளது.

ஆனால் மத்திய அரசின் அனுமதி பெறுவது கட்டாயம் என உத்தரவிடப்பட்டுள்ளது.ரஷ்யாவின் சென்ட் பீட்டர்ஸ்பர்க் நகரில் ஜூன் 3 முதல் 6-ந்தேதி வரை நடைபெறும் 29-வது சர்வதேச பொருளாதார மாநாட்டில் (எஸ்பிஐஇஎஃப் 2026) கலந்துகொள்ள லோகேஷ் செல்ல உள்ளார்.

இதற்கான அனுமதியை பொதுநிர்வாகத் துறை வழங்கியுள்ளது.

உலகின் முக்கிய பொருளாதார மாநாடுகளில் ஒன்றான இந்த நிகழ்ச்சிக்கு ‘ரோஸ் காங்கிரஸ்’ நிறுவனம் லோகேஷுக்கு அதிகாரப்பூர்வ அழைப்பு வழங்கியுள்ளது.

இந்த அழைப்பை ஆந்திரப் பிரதேச பொருளாதார மேம்பாட்டு வாரியம் (ஏபிஈடிபி) அரசு கவனத்திற்கு கொண்டு வந்து, பயணத்திற்கு அனுமதி கோரியது.

இந்த பயணத்தின் போது லோகேஷ் சென்ட் பீட்டர்ஸ்பர்க் மாநாட்டில் பங்கேற்பதுடன், மாஸ்கோ நகரத்திலும் சுற்றுப்பயணம் மேற்கொள்வார்.

அங்கு ரஷ்ய மத்திய அமைச்சர்கள், அரசு நிறுவனங்கள் மற்றும் வாணிக அமைப்புகள் பிரதிநிதிகளுடன் சந்தித்து, ஆந்திரப் பிரதேசம்–ரஷ்யா இடையேயான பொருளாதார ஒத்துழைப்பை எட்டு முக்கிய துறைகளில் மேம்படுத்துவது குறித்து ஆலோசனை நடத்தவுள்ளார்.

ஆனால், இந்த பயணத்திற்கு முன் மத்திய வெளிநாட்டு விவகாரங்கள் அமைச்சகத்திலிருந்து ‘பாலிட்டிக்கல் கிளியரன்ஸ்’ பெற வேண்டும் என்று அரசு உத்தரவில் தெளிவாக குறிப்பிடப்பட்டுள்ளது. அந்த அனுமதி கிடைத்த பின்னரே பயணம் இறுதி செய்யப்படும்.

மேலும், இந்த பயணத்திற்கான செலவுகளை ஆந்திரப் பிரதேச பொருளாதார மேம்பாட்டு வாரியம் (ஏபிஈடிபி) தனது நிதியில் இருந்து மேற்கொள்ளும் என்றும் அரசு தெரிவித்துள்ளது.

Hindusthan Samachar / M.DEEPAK RAJA