புதுடெல்லி , 25 மே (ஹி.ச.)

பெட்ரோல், டீசல் விலைகளை மத்திய அரசு தவணை முறையில் தொடர்ந்து உயர்த்தி வருவதாக குற்றம் சாட்டியுள்ள காங்கிரஸ் முன்னணி தலைவர் ராகுல் காந்தி,பிரதமர் நரேந்திர மோடியை “பணவீக்க நாயகன்” என விமர்சித்துள்ளார்.

இது குறித்து அவர் வெளியிட்டுள்ள அறிக்கையில்,

எரிபொருள் விலை உயர்வு காரணமாக பொதுமக்களின் வாழ்வாதாரச் செலவுகள் கடுமையாக அதிகரித்து வருவதாகவும், மத்திய அரசு அதனை கட்டுப்படுத்தத் தவறிவிட்டது.

இந்நிலையில், சர்வதேச அளவில் நிலவும் பதற்றமும் எரிபொருள் விலை உயர்வுக்கு காரணமாகியுள்ளது.

கடந்த பிப்ரவரி 28-ஆம் தேதி யுனைடெட் ஸ்டேட்ஸ் மற்றும் இஸ்ரேல் இணைந்து ஈரான் மீது தாக்குதல் நடத்தியது.

அதற்கு பதிலடியாக ஈரான், இஸ்ரேல் மற்றும் வளைகுடா பகுதிகளில் உள்ள அமெரிக்க படைத்தளங்கள் மீது தாக்குதல் நடத்தியது.

இந்த மோதல் 2 மாதங்களுக்கு மேலாக நீடித்து வருகிறது.

உலக நாடுகளுக்கு கச்சா எண்ணெய், சமையல் எரிவாயு, உரங்கள் உள்ளிட்ட பொருட்கள் கடத்தப்படும் முக்கிய கடல் மார்க்கமான நீரிணையை ஈரான் முடக்கியுள்ளது.

இதன் காரணமாக பல நாடுகளில் கச்சா எண்ணெய் தட்டுப்பாடு ஏற்பட்டுள்ளது.

இதனால் பெட்ரோல், டீசல் விலை உயர்ந்து, பணவீக்கம் அதிகரித்துள்ளது.

இவ்வாறு அவர் தெரிவித்துள்ளார்.

மேலும் வட்டி விகிதங்களும் உயர்ந்து, பொதுமக்கள் மீது கூடுதல் சுமை ஏற்பட்டுள்ளதாக பொருளாதார நிபுணர்கள் தெரிவிக்கின்றனர்.

Hindusthan Samachar / M.DEEPAK RAJA