தமிழ்நாடு, 25 மே (ஹி.ச.)

தமிழ்நாடு கால்நடை மருத்துவ அறிவியல் பல்கலைக்கழகத்தின் 2026–27ஆம் கல்வியாண்டிற்கான மாணவர் சேர்க்கை விண்ணப்ப பதிவு இன்று காலை 10 மணி முதல் தொடங்குகிறது.

பி.வி.எஸ்சி.-ஏ.ஹெச் மற்றும் பி.டெக் படிப்புகளில் சேர விரும்பும் மாணவர்கள், வரும் ஜூன் 17ஆம் தேதி மாலை 5 மணி வரை ஆன்லைனில் விண்ணப்பிக்கலாம் என அறிவிக்கப்பட்டுள்ளது.

சென்னை, நாமக்கல், திருநெல்வேலி, ஒரத்தநாடு, சேலம் தலைவாசல், உடுமலைப்பேட்டை மற்றும் தேனி வீரபாண்டி உள்ளிட்ட 7 இடங்களில் செயல்பட்டு வரும் கால்நடை மருத்துவக் கல்லூரிகளில், ஐந்தரை ஆண்டுகள் கொண்ட கால்நடை மருத்துவம் மற்றும் பராமரிப்பு (பி.வி.எஸ்சி.-ஏ.ஹெச்) படிப்புக்கு மொத்தம் 660 இடங்கள் உள்ளன.

மாணவர்கள் https://adm.tanuvas.ac.in என்ற இணையதளத்தின் மூலம் விண்ணப்பிக்கலாம். பிளஸ்-2 மதிப்பெண் அடிப்படையில் மாணவர் சேர்க்கை நடைபெறும் என தமிழ்நாடு கால்நடை மருத்துவ அறிவியல் பல்கலைக்கழகம் தெரிவித்துள்ளது.

மேலும், அரசு பள்ளி மாணவர்களுக்கான 7.5 சதவீத உள் இடஒதுக்கீட்டின் கீழ், பி.வி.எஸ்சி.-ஏ.ஹெச் மற்றும் பி.டெக் படிப்புகளில் 100-க்கும் மேற்பட்ட இடங்கள் ஒதுக்கப்பட்டுள்ளதாகவும் அறிவிக்கப்பட்டுள்ளது.

Hindusthan Samachar / VINOTH KUMAR P