தமிழ்நாடு, 26 மே (ஹி.ச.)

ஸ்ரீமதி திரௌபதி முர்மு இந்தியாவின் 15-வது குடியரசுத் தலைவராக 25 ஜூலை 2022 அன்று பதவியேற்றார்.

இந்திய வரலாற்றில் பழங்குடியின சமூகத்தைச் சேர்ந்த முதல் நபர் மற்றும் பிரதிபா பாட்டீலுக்குப் பிறகு குடியரசுத் தலைவர் பதவியை வகிக்கும் இரண்டாவது பெண்மணி என்ற பெருமைகளைப் பெற்றவர் ஆவார்.

மேலும், சுதந்திர இந்தியாவில் (1947க்குப் பின்) பிறந்த முதல் குடியரசுத் தலைவரும் இவரே ஆவார்.

- பிறப்பு:

-

- ஜூன் 20 1958 அன்று ஒடிசா மாநிலத்தின் மயுர்பஞ்ச் மாவட்டத்தில் உள்ள உபர்பேடா கிராமத்தில் ஒரு சந்தால பழங்குடியினக் குடும்பத்தில் பிறந்தார்,இவரது இயற்பெயர் துர்கி துடு.

-

- கல்வி:

-

- புவனேசுவரில் உள்ள ரமாதேவி மகளிர் கல்லூரியில் கலைப் பிரிவில் இளங்கலை (BA) பட்டம் பெற்றார்.

-

- ஆரம்பப் பணி:

-

- அரசியலுக்கு வருவதற்கு முன்பு ஒடிசா அரசின் நீர்ப்பாசனத் துறையில் எழுத்தராகவும், பின்னர் ஸ்ரீ அரவிந்தோ ஒருங்கிணைந்த கல்வி மற்றும் ஆராய்ச்சி மையத்தில் ஆசிரியராகவும் பணியாற்றினார்.

-

- குடும்பம்:

-

- இவர் 1980 இல் சியாம் சரண் முர்மு என்பவரைத் திருமணம் செய்து கொண்டார்.

-

- இவருக்கு ஒரு மகள் உள்ளார் (இவரது கணவர் மற்றும் இரண்டு மகன்கள் ஏற்கனவே இயற்கை எய்தினர்).

-

- அரசியல் பயணம்

- ஆரம்ப அரசியல்: 1997 ஆம் ஆண்டு பாரதிய ஜனதா கட்சியில் (BJP) இணைந்து ராய்ரங்பூர் நகராட்சியின் கவுன்சிலராகத் தேர்ந்தெடுக்கப்பட்டார்.

- சட்டமன்ற உறுப்பினர் மற்றும் அமைச்சர்:

-

- ஒடிசா மாநிலத்தின் ராய்ரங்பூர் தொகுதியிலிருந்து இரண்டு முறை (2000 மற்றும் 2004) சட்டமன்ற உறுப்பினராகத் தேர்ந்தெடுக்கப்பட்டார்.

- பிஜேடி-பாஜக கூட்டணி ஆட்சியில் வணிகம், போக்குவரத்து, மீன்வளம் மற்றும் விலங்கு வள மேம்பாட்டுத் துறை அமைச்சராகப் பணியாற்றினார்.

- சிறந்த எம்.எல்.ஏ விருது:

- ஒடிசா சட்டமன்றத்தின் சிறந்த சட்டமன்ற உறுப்பினருக்கான நீலகண்ட விருது (2007) இவருக்கு வழங்கப்பட்டது.

- ஜார்கண்ட் ஆளுநர்:

- 2015 முதல் 2021 வரை ஜார்கண்ட் மாநிலத்தின் 9-வது ஆளுநராகப் பணியாற்றினார். இதன் மூலம் ஜார்கண்டின் முதல் பெண் ஆளுநர் என்ற பெருமையைப் பெற்றார்.

-

2022 ஜனாதிபதி தேர்தலில் தேசிய ஜனநாயகக் கூட்டணியின் (NDA) வேட்பாளராகப் போட்டியிட்டுப் பெருவாரியான வாக்குகள் வித்தியாசத்தில் வெற்றி பெற்று, நாட்டின் மிக உயரிய பதவியான குடியரசுத் தலைவர் பதவியை அடைந்தார்.

Hindusthan Samachar / Durai.J