போலவரம் , 30 மே (ஹி.ச.)

போலவரம் மாவட்ட எல்லையை ஒட்டிய வனப்பகுதியில் புலி நடமாட்டம் காரணமாக பொதுமக்கள் மற்றும் கால்நடைகள் மத்தியில் அச்சம் நிலவுகிறது.

சமீபத்தில் புலி தாக்குதலில் 9 கன்றுகள் உயிரிழந்த சம்பவம் பரபரப்பை ஏற்படுத்தியுள்ளது.

இதையடுத்து ஆந்திர மாநில துணை முதல்வரும் வனத்துறை அமைச்சருமான பவன் கல்யாண் அதிகாரிகளுடன் அவசர ஆலோசனை நடத்தினார்.

அப்போது, புலியின் நடமாட்டத்தை தொடர்ந்து கண்காணித்து பொதுமக்கள் மற்றும் கால்நடைகளின் பாதுகாப்புக்கு முன்னுரிமை அளிக்க வேண்டும் என அவர் உத்தரவிட்டார்.

மேலும், ட்ரோன்கள் மற்றும் டிராப் கேமராக்கள் உள்ளிட்ட நவீன தொழில்நுட்பங்களை பயன்படுத்தி 24 மணி நேர கண்காணிப்பு ஏற்படுத்த வேண்டும் என்றும் அறிவுறுத்தினார்.

தேவையானால் சிறப்பு வனக்குழுக்கள் அமைத்து புலியை பாதுகாப்பாக பிடிக்க நடவடிக்கை எடுக்க வேண்டும் என்றும், இந்த பணிகளை மூத்த வன அதிகாரி நேரடியாக கண்காணிக்க வேண்டும் என்றும் கூறினார்.

புலி தாக்குதலில் பாதிக்கப்பட்ட விவசாயிகளுக்கு உடனடி இழப்பீடு வழங்கவும், வனப்பகுதி அருகிலுள்ள கிராம மக்களுக்கு எச்சரிக்கை மற்றும் விழிப்புணர்வு ஏற்படுத்தவும் அதிகாரிகளுக்கு துணை முதல்வர் உத்தரவிட்டார்.

இதற்கிடையில், வனத்துறை அதிகாரிகள் புலியின் நடமாட்டத்தை தொடர்ந்து கண்காணித்து வருகின்றனர். மக்கள் பாதுகாப்பாக இருக்குமாறு கேட்டுக்கொள்ளப்பட்டுள்ளனர்.

Hindusthan Samachar / M.DEEPAK RAJA