சென்னை, 31 மே (ஹி.ச.)

குற்றம், சட்டவிரோதச் செயல்கள், வன்முறை, ஊழல், இலஞ்சம், வெறுப்பு மற்றும் பிற தவறான செயல்கள் சமூகத்தில் இயல்பாக்கப்படுவது நிறுத்தப்பட வேண்டும் என்று நடிகையும் அதிமுக பிரமுகருமான காயத்ரி ரகுராம் தெரிவித்துள்ளார்.

இதுதொடர்பாக அவர் வெளியிட்டுள்ள பதிவில்,

பொது அதிகாரிகள் மற்றும் செல்வாக்கு மிக்க நபர்கள் புகழுக்காக தவறான நடத்தைகளை ஊக்குவிப்பதற்கு பதிலாக, சமூகத்திற்கு முன்மாதிரியாக இருக்க வேண்டும் என்று கூறியுள்ளார்.

மேலும், நேர்மை, பொறுப்புக்கூறல், சட்டத்தின் மீதான மரியாதை மற்றும் அறநெறி விழுமியங்களை சமூகம் ஊக்குவிக்க வேண்டும் என்றும், மதம், அரசியல் அல்லது தனிப்பட்ட நலன்களின் பெயரில் வெறுப்பு, பிளவு மற்றும் வற்புறுத்தலை இயல்பாக்கும் முயற்சிகள் நிராகரிக்கப்பட வேண்டும் என்றும் வலியுறுத்தியுள்ளார்.

கலியுகம் பல்வேறு சவால்களை உருவாக்கினாலும், தனிநபர் பொறுப்பு மற்றும் கூட்டு முயற்சியின் மூலம் சிறந்த சமூகத்தையும் பொறுப்பான அரசியல் அமைப்பையும் உருவாக்க முடியும் என காயத்ரி ரகுராம் கருத்து தெரிவித்துள்ளார்.

Hindusthan Samachar / P YUVARAJ