ஆந்திரா , 01 ஜூன் (ஹி.ச.)

பெனமலூரு தொகுதி பொரங்கி சுகாலி காலனியில் முதியோர் ஓய்வூதியம் வழங்கும் நிகழ்ச்சி நடைபெற்றது.

இதில் தெலுங்கு தேசம் கட்சி (TDP) எம்எல்சி பஞ்சுமர்த்தி அனுராத மற்றும் உள்ளூர் எம்எல்ஏ போடே பிரசாத் கலந்து கொண்டு பயனாளிகளுக்கு ஓய்வூதியங்களை வழங்கினர்.

இதனைத் தொடர்ந்து, நிகழ்ச்சியில் பேசிய பஞ்சுமர்த்தி அனுராதா,

மாநிலத்தில் முதியோர் ஓய்வூதியம் ரூ.3,000 இருந்து ரூ.4,000 ஆக உயர்த்தப்பட்டதற்கு முதல்வர் என். சந்திரபாபு நாயுடு அவர்களே காரணம் என தெரிவித்தார்.

தேர்தல் வாக்குறுதிகளின் ஒரு பகுதியாக “சூப்பர் சிக்ஸ்” திட்டத்தை நிறைவேற்றி, அரசு மக்களுக்காக செயல்படுகிறது என்றும் அவர் கூறினார்.

மாநிலம் முழுவதும் சுமார் 64 லட்சத்துக்கும் மேற்பட்ட முதியவர்கள் மற்றும் தகுதியான பயனாளிகள் உயர்த்தப்பட்ட ஓய்வூதியத்தின் பயனைப் பெறுகின்றனர் என்றும் அவர் தெரிவித்தார்.

மாற்றுத் திறனாளிகளுக்கான ஓய்வூதியமும் ரூ.6,000 முதல் ரூ.15,000 வரை உயர்த்தப்பட்டுள்ளதாகவும் அவர் கூறினார்.

மேலும், முந்தைய அரசு ஓய்வூதிய உயர்வில் போதிய கவனம் செலுத்தவில்லை எனவும் பஞ்சுமர்த்தி அனுராத விமர்சித்தார்.

கூட்டணி அரசு பொறுப்பேற்றதும் மக்கள் நலத்திட்டங்களை விரைவாக செயல்படுத்தி வருவதாகவும் அவர் தெரிவித்தார்.

Hindusthan Samachar / M.DEEPAK RAJA