பெங்களூரு, 01 ஜூன் (ஹி.ச.)

மூன்று ஆண்டுகள் துணை முதலமைச்சராக பணியாற்றிய டி.கே. சிவகுமார், கர்நாடக முதலமைச்சராக பதவியேற்க உள்ளார். பதவியேற்பு விழா ஜூன் 3-ஆம் தேதி பெங்களூருவில் உள்ள லோக் பவனில் நடைபெற உள்ளது.

இந்த நிலையில் கர்நாடக முதலமைச்சராக பொறுப்பேற்க உள்ள டி.கே. சிவகுமாரும், முன்னாள் முதலமைச்சர் சித்தராமையாவும் அமைச்சரவை நியமனங்கள் மற்றும் மாநிலத்தின் அரசியல் நிலவரங்கள் குறித்து ஆலோசிக்க காங்கிரஸ் மேலிடத்தை இன்று புதுடெல்லியில் சந்திக்க உள்ளனர்.

இரு தலைவர்களும் பெங்களூருவில் இருந்து ஒன்றாக டெல்லி புறப்படுகின்றனர். சித்தராமையாவின் மகனும், சட்ட மேலவை உறுப்பினருமான யதீந்திராவும் இந்த சந்திப்பில் கலந்து கொள்வார் என கூறப்படுகிறது.

புதிய அமைச்சரவையில் யதீந்திராவுக்கு பதவி வழங்கப்படலாம் என ஊகங்கள் எழுந்துள்ளன.

சித்தராமையாவின் முந்தைய அமைச்சரவையில் இடம்பெற்ற சில அமைச்சர்கள் நீக்கப்பட்டு, புதிய முகங்கள் சேர்க்கப்பட வாய்ப்புள்ளதாக தகவல்கள் வெளியாகியுள்ளன.

கர்நாடகாவில் ஒருங்கிணைப்புக் குழு அமைக்க சித்தராமையா முன்மொழிந்ததாக தகவல்கள் தெரிவிக்கின்றன.

எனினும், இந்த யோசனைக்கு காங்கிரஸ் மேலிடம் இதுவரை ஒப்புதல் அளிக்கவில்லை. துணை முதலமைச்சர் அல்லது துணை முதலமைச்சர்கள் நியமனம் குறித்தும் இந்த சந்திப்பில் விவாதிக்கப்பட உள்ளது.

Hindusthan Samachar / vidya.b